'कोण होणार करोडपती' हा कार्यक्रम घराघरांत आवडीने पाहिला जातो. हा कार्यक्रम बघताना प्रत्येकाला असं वाटत की, मी जर हॉटसीटवर असतो/असते तर एवढी रक्कम नक्कीच जिंकली असती. आता अशीच एक संधी सोनी मराठी वाहिनी आपल्या प्रेक्षकांसाठी घेऊन आली आहे. १२ जुलैपासून 'कोण होणार करोडपती' हा कार्यक्रम सुरू होणार आहे. हा कार्यक्रम पाहताना प्रेक्षक आता घरबसल्या १ लाख रुपये जिंकू शकतात. सोनी लिव्ह या ॲपवर 'कोण होणार करोडपती' पाहता-पाहता टीव्हीवर विचारलेल्या प्रश्नांची अचूक उत्तरं प्ले अलॉंगवर देऊन प्रेक्षक जिंकू शकतात १ लाख रुपये आणि हे जिंकायला एकच गोष्ट तुम्हांला मदत करू शकते, ते म्हणजे तुमचं ज्ञान! कुठेही न जाता, घरात बसून प्रेक्षक या खेळात निवांत सहभागी होऊन लखपती होऊ शकतात. View this post on Instagram A post shared by Sony मराठी (@sonymarathi) या कार्यक्रमाचं ब्रीद वाक्यच आहे की, 'आता फक्त ज्ञानाची साथ.' आता तुमच्या ज्ञानामुळे तुम्ही खरंच लखपती होऊ शकता! कोण होणार करोडपती या कार्यक्रमाबाबात चाहत्यांमध्ये प्रचंड उत्सुकता पाहायला मिळते. या शोमध्ये अभिनेते सचिन खेडेकर सूत्रसंचालन करताना दिसणार आहेत.