दिग्दर्शक नागराज मंजुळेच्या बहुप्रतिक्षीत 'सैराट' चित्रपटाचा ट्रेलर प्रदर्शित झाला आहे. भन्नाट लोकेशन्स, जाती-पातीच्या जोखडात सापडलेली एक अप्रतिम प्रेम कहाणी आणि नायिकेचा बिनधास्त अंदाज ट्रेलरमध्ये पाहायला मिळत आहे. चित्रपटाच्या गाण्यांनी याआधीच प्रेक्षकांना 'येडं लावलं' आहे, तर चित्रपटाच्या टीझरलाही भरभरुन प्रतिसाद मिळाला होता. आता चित्रपटाचा ट्रेलर प्रदर्शित झाल्याने चित्रपटाबाबतची उत्सुकता शिगेला पोहोचली आहे. येत्या २९ एप्रिलला परशा आणि आर्ची यांची अनोखी प्रेमकहाणी भेटीला येत आहे.