समांथा रुथ प्रभू ही दाक्षिणात्य चित्रपटसृष्टीतील आघाडीची अभिनेत्री आहे. 'यशोदा', 'थेरी', 'माजिली', 'अ आ', 'अंजान', 'यु टर्न', 'पुष्पा' अशा सुपरहिट चित्रपटांतून समांथाने प्रेक्षकांचं मनोरंजन केलं आहे. अभिनयाप्रमाणेच सौंदर्याने प्रेक्षकांना भुरळ घालणाऱ्या समांथाचा चाहता वर्गही मोठा आहे. समांथाच्या अशाच एका जबरा फॅनने तिचं मंदिर बांधलं आहे. पिंकविलाने दिलेल्या माहितीनुसार, मध्य प्रदेशातील बापटला अलापडू गावात चाहत्याकडून समांथाचं मंदिर बांधण्यात येत आहे. या मंदिराचं बांधकाम सध्या सुरू असून समांथाच्या वाढदिवशी म्हणजेच २८ एप्रिलला याचं उद्घाटन करण्यात येणार असल्याची माहिती आहे. समांथाच्या या जबरा फॅनच नाव संदिप तेनाली असं आहे. हेही वाचा>> नाना पाटेकरांवर जिवापाड प्रेम करायची मनीषा कोईराला, अभिनेत्याला दुसऱ्या अभिनेत्रीबरोबर रुममध्ये पाहिलं अन्…; नेमकं काय घडलं होतं? समांथा व तिच्या या चाहत्याची अद्याप भेट झालेली नाही. समांथाच्या प्रत्युष्या फांऊडेशनच्या कामामुळे प्रभावित होऊन तिचं मंदिर बांधत असल्याचं संदिप तेनाली यांनी सांगितलं. समांथाच्या आधी अनेक दाक्षिणात्य व बॉलिवूड सेलिब्रिटींची मंदिरे त्यांच्या चाहत्यांनी देशातील विविध भागात बांधली आहेत. हंसिका मोटवानी, नयनतारा, अमिताभ बच्चन, सोनू सूद या कलाकारांच्या प्रेमापोटी चाहत्यांकडून त्यांची मंदिरे बांधण्यात आली आहेत. हेही वाचा>> ‘रामायणा’तील सीतेसाठी दीपिका चिखलिया यांनी नाकारलेला हॉलिवूड चित्रपट; मैत्रिणीने केलेला खुलासा, म्हणालेली “तिला अंगप्रदर्शन…” दरम्यान, समांथा रुथ प्रभू 'शंकुतलम' या चित्रपटातून प्रेक्षकांच्या भेटीला आली होती. १४ एप्रिलला हा चित्रपट प्रदर्शित झाला होता. समांथा तिच्या आगामी 'खुशी' चित्रपटात दिसणार आहे. या चित्रपटाता ती विजय देवरकोंडाबरोबर स्क्रीन शेअर करणार आहे.
