अभिनेता संकर्षण कऱ्हाडे संवेदनशील अभिनेता म्हणून ओळखला जातो. कधी तो आपल्या चित्रपटामुळे, कधी आपल्या कवितांमुळे तर वेगळ्या धाटणीच्या नाटकामुळे तो चर्चेचा भाग असतो. आता त्याने एका मुलाखतीदरम्यान आपल्या आयुष्यातील करिअर आणि कुटुंबाविषयी काही आठवणी सांगितल्या आहेत.

‘व्हायफळ’ या यूट्यूब चॅनेलने काही दिवसांपूर्वी संकर्षण कऱ्हाडेची मुलाखत घेतली होती. आता त्या मुलाखतीतील काही महत्त्वाचा भाग ‘व्हायफळ हाइलाईट’ दरम्यान पुन्हा एकदा प्रदर्शित केला आहे. या मुलाखतीत त्याने आपल्या आई-वडिलांबद्दल भावना व्यक्त केल्या आहेत.

Saleel Kulkarni start new hotel at sinhagad road khau galli
सलील कुलकर्णींनी हॉटेल व्यवसायात ठेवलं पाऊल, आईच्या हस्ते केलं उद्घाटन, पाहा फोटो
Mukesh Ambani invited to Marathi actor Shreyas Raje on him son Anant Ambani wedding
मुकेश अंबानींनी ‘या’ मराठी अभिनेत्याला दिली मुलाच्या लग्नाची पत्रिका, फोटो शेअर करत म्हणाला, “आता जावं लागेल लग्नाला…”
Marathi Actor Saurabh Gokhale criticized anant ambani and Radhika merchant sangeet ceremony
“धनाढ्य कुटुंबातील…”, अनंत अंबानी-राधिका मर्चंटच्या संगीत सोहळ्याची मराठी अभिनेत्याने उडवली खिल्ली, म्हणाला, “मला माझ्या छोट्या…”
vivek oberoi says after bollywood ostracized him he focused on business
बॉलीवूडने बहिष्कार टाकल्यावर व्यवसाय करून घर चालवलं; विवेक ओबेरॉय वस्तुस्थिती मांडत म्हणाला, “आज २९ कंपन्यांमध्ये…”
video having fun with the kids under the waterfall suddenly the water level rose and the picture changed shocking video goes viral
लोणावळ्याची घटना ताजी असतानाच आणखी एक VIDEO समोर; काही सेंकदांत घेतलेल्या निर्णयामुळे असा बचावला चिमुकला
nana patekar talks about wife neelkanti patekar
“तिचे खूप उपकार, तिच्यामुळेच करिअर करू शकलो”; नाना पाटेकर यांचं पत्नीबद्दल वक्तव्य, वेगळं राहण्याबाबत म्हणाले…
maharashtrachi hasya jatra fame rohit mane new home
Video : मुंबईत पहिलं घर, बायकोसह पूजा अन्…; ‘महाराष्ट्राची हास्यजत्रा’ फेम अभिनेत्याचा हक्काच्या घरात गृहप्रवेश!
Young girl photoshoot on dam and she fell in dam water shocking video
VIDEO: जीव एवढा स्वस्त असतो का? रीलच्या नादात होत्याचं नव्हतं झालं; पाण्याच्या प्रवाहात तरुणी क्षणात दिसेनाशी झाली

आपल्या आई-वडिलांविषयी एक भावूक आठवण सांगताना संकर्षण म्हणतो की, त्यावेळी मी ‘साखर खाल्लेला माणूस’ या नाटकात प्रशांत दामलेंबरोबर काम करायचो, एकेदिवशी माझं सकाळी ८ वाजता ‘आम्ही सारे खवय्ये’ या कार्यक्रमाचं शूट होतं आणि रात्री साडे आठला काशिनाथ घाणेकरचा प्रयोग होता. त्यावेळी माझ्या अंगात ताप भरला होता आणि तो १०३ डिग्री सेल्सिअसच्या पुढे जायला लागला. त्यामुळे चारऐवजी दोन एपिसोडचं शूटिंग केल्यानंतर मला त्यांनी लवकर सोडलं. सकाळी शूटिंगला जाताना मी बाबांना फोन केला होता, त्यावेळी त्यांना ताप आल्याचं सांगितलं होतं. कदाचित शूटिंग अर्ध रद्द करेन आणि प्रयोगाला जाईन असं त्यांना म्हटलं होतं, कारण प्रयोग तर रद्द करू शकत नव्हतो; कारण बुकिंग वगैरे झालं होतं.

हेही वाचा : प्रसिद्ध अभिनेत्रीने केलं अरेंज मॅरेज, लग्नाच्या दुसऱ्याच दिवशी डिलीट केले पतीबरोबरचे फोटो; नेमकं काय घडलं?

पुढे तो सांगतो की, साडेआठला काशिनाथ घाणेकरला प्रयोग सुरू झाला होता. ताप वाढल्याने माझ्या अंगात त्राण नव्हते, पहिला अंक संपल्यानंतर मी विंगेत आलो आणि समोर बाबा उभे होते. मी त्यांच्याकडे बघितलं आणि मला घळाघळा रडायला आलं. मी सकाळी फोन केल्यानंतर त्यांनी आईला पोळी भाजी करायला सांगितली, ११ च्या तपोवन एक्स्प्रेसला बसले. परभणीहून १० तासांचा ५०० किलोमीटर लांब प्रवास करून माझ्यासाठी घरचा डबा घेऊन ते पोहोचले होते. दिवसभर तापामुळे माझ्या पोटात काहीसुद्धा नव्हतं. बाबा आल्यानंतर त्या मध्यांतरामध्ये मी आईच्या हातच्या चार पोळ्या आणि भाजी पोटभर खाल्ली आणि दुसरा अंक खणखणीत केला. अशी आठवण सांगत असताना आपली माणसं आपल्यासाठी आपल्या आजूबाजूला असतात. पुढे बोलताना तो म्हणतो, “माझ्या डोळ्यासमोर आजही ते चित्र उभं आहे. काशिनाथ घाणेकरच्या त्या विंगेत बाबा दोन हातात दोन पिशव्या घेऊन उभे आहेत. हे आपल्या आई-वडिलांशिवाय आपल्यासाठी कोणीच करू शकत नाही. माझ्या बाबांनी मला कायम एकच गोष्ट शिकवली की, कायम तुमच्या कामाशी प्रामाणिक राहा आणि म्हणूनच मी कायम माझ्या कामाशी भयंकर प्रामाणिक असतो, असे संकर्षणने या मुलाखतीत म्हटले आहे.