लोकसभा निवडणुकीत भाजपाला मोठं यश मिळालं. २०१४चीच पुनरावृत्ती करत २०१९च्या लोकसभा निवडणुकीत पंतप्रधान नरेंद्र मोदींच्या नेतृत्वाखाली भाजपाने दमदार विजय मिळवला आहे. या विजयानंतर जागतिक नेत्यांसोबतच सेलिब्रिटींनीही मोदींचे अभिनंदन केले आहे. अभिनेत्री शिल्पा शेट्टीने अनोख्या पद्धतीने मोदींना शुभेच्छा दिल्या आहेत. फिटनेससंदर्भात शिल्पा नेहमीच सजग असते. योग, प्राणायाम करण्याचं आवाहन ती चाहत्यांना करत असते. मोदींचा योग करतानाचा फोटो शेअर करत शिल्पाने लिहिलं, 'देखा योगा से ही होगा. इसे कहते है, भूमी भंजन इलेक्शन प्रदर्शन. बहुत बधाई हो आपको नरेंद्र मोदीजी. आपको मेरा साष्टांग दंडवत प्रणाम.' यासोबतच तिने 'मोदी त्सुनामी' हा हॅशटॅग वापरला आहे. या ट्विटसाठी मोदींनीही शिल्पाचे आभार मानले आहेत. Dekha Yoga se hi hoga! Isse kehtey hai. Bhoomi Bhanjan election Pradarshan! Bahut Bahut badhaai aapko @narendramodi ji . Aapko mera saashtaang dandvat pranaam #ModiTsunami pic.twitter.com/rzt5JKpd1l — SHILPA SHETTY KUNDRA (@TheShilpaShetty) May 23, 2019 वाचा : गलती से मिस्टेक? विवेकने मोदींसाठी केले ट्विट, सलमानच्या सिनेमाचे झाले प्रमोशन शिल्पा सध्या 'सुपर डान्सर' या डान्स रिअॅलिटी शोमध्ये परीक्षक आहे. शोमध्ये एखाद्या स्पर्धकाचा डान्स आवडल्यास 'भूमी भंजन नृत्य प्रदर्शन' अशा शब्दांत शिल्पा कौतुक करते. त्यामुळे याच अंदाजात तिने आता मोदींना शुभेच्छा दिल्या आहेत.