गेल्या अनेक दिवसांपासून प्रेक्षकांना उत्सुकता लागून राहिलेला 'सुलतान' चित्रपट आज ईदच्या मुहूर्तावर प्रदर्शित झाला आहे. या चित्रपटात सलमान खान आणि अनुष्का शर्मा कुस्तीपटुंच्या भूमिकेत आहेत. त्यामुळे प्रदर्शनापूर्वीच सुलतानची प्रचंड चर्चा रंगली होती. हा चित्रपट पहिल्याच वीकेंडमध्ये बॉक्स ऑफिसवर २५० कोटींचा व्यवसाय करेल, असा अंदाज चित्रपट व्यवसायातील तज्ज्ञांकडून वर्तविण्यात आला आहे. आजपर्यंत ईदच्या मुहूर्तावर प्रदर्शित झालेले सलमानचे चित्रपट बॉक्स ऑफिसवर यशस्वी ठरल्याचा इतिहास आहे. आता हे अंदाज कितपत खरे ठरणार, हे पाहणे औत्स्युकाचे ठरेल.
