सोशल मीडियावर सध्या तुफान लोकप्रिय असलेल्या 'टिकटॉक' या व्हिडिओ अॅपवर एकीकडे बंदीची मागणी होत असताना अभिनेत्री सनी लिओनीला टिकटॉक व्हिडिओची भुरळ पडली आहे. टिकटॉक व्हिडिओ करणाऱ्या एका तरुणाच्या प्रेमात सनी पडली आहे. त्या तरुणाला सनीच्या टीमने शोधून काढलं आणि त्याच्यासोबत सनीने टिकटॉक व्हिडिओ केले आहेत. सनीने तिच्या इन्स्टाग्रामवर टिकटॉकचे तीन-चार व्हिडिओ पोस्ट केले आहेत. शेजादा कक्कर या तरुणाचे टिकटॉक व्हिडिओ सनीला फार आवडले आहेत. 'कोणालाही न जुमानता बिनधास्तपणे आणि आत्मविश्वासाने टिकटॉक व्हिडिओ करणाऱ्या या तरुणाचं मी कौतुक करते. मी आणि माझ्या टीमने मिळून या तरुणाला शोधून काढलं. आमच्यासोबत काही व्हिडिओ शूट करण्यास त्याने होकार दिला,' असं तिने सांगितलं. 'रईस'मधील 'लैला', दलेर मेहंदी यांच्या 'बोलो तारा रारा' आणि 'तनू वेड्स मनू'मधील 'साड्डी गल्ली' या गाण्यांवर सनीने टिकटॉक व्हिडिओ केले आहेत. या व्हिडिओमध्ये पती डॅनिअल वेबरनेही सनीला साथ दिली आहे.
