छोट्या पडद्यावरील सुपरहिट ठरलेली मालिका म्हणजे 'दिल दोस्ती दुनियादारी.' या मालिकेतील अभिनेत्री सखी गोखले आणि अभिनेता सुव्रत जोशी काही दिवसांपूर्वी लग्नबंधनात अडकले. सध्या सखी लंडनमध्ये उच्च शिक्षण घेण्यासाठी गेली आहे. त्यामुळे ते दोघे सध्या लॉंग डिस्टंट रिलेशनशीपमध्ये असल्याचे म्हटले जात आहे. पण नुकताच सखीने शेअर केलेल्या फोटोची सोशल मीडियावर जोरदार चर्चा सुरु आहे. नुकताच सखीने तिच्या इन्स्टाग्राम अकाऊंटवर सुव्रतसोबतचा फोटो शेअर केला आहे. या फोटोमध्ये दोघांनीही सेम टॅटू काढला आहे. नक्षत्र, दिवस-रात्र, जग याचं प्रतिक असणारा हा टॅटू आहे. एका मुलाखतीमध्ये सखीने तिला टॅटूची आवड असल्याचे सांगितले होते. तिने यापूर्वी तीन टॅटू काढले असून हा चौथा टॅटू आहे. View this post on Instagram Constellations Mind & Matter Day & Night The Universe Inked ‘19 Big hugs to @aadesh_g at @ironbuzztattoos who never fails to impress :) A post shared by Sakhi Gokhale (@sakheeg) on Dec 12, 2019 at 6:02am PST सखी आणि सुव्रतने एप्रिल 2019मध्ये लग्न केले. मोजक्या मित्रमंडळींच्या उपस्थितीत नेरळ येथील फार्महाऊसवर हा विवाहसोहळा पार पडला. या विवाहसोहळ्यात सखीने हिरव्या रंगाची पैठणी, नथ, कोल्हापुरी साज, पाटल्या असा अस्सल मराठमोळा पेहराव केला होता. तर सुव्रतनं कुरता, शाल आणि टोपी असा पेहराव केला होता. या सोहळ्याला अभिनेता जितेंद्र जोशी, चिन्मयी सुमित, सुमित राघवन, अमर फोटो स्टुडिओची सगळी टीम, आरती वडगबाळकर, रेशम प्रशांत, सायली संजीव, पर्ण पेठे, अमेय वाघ, निपुण धर्माधिकारी आणि सुनील बर्वे यांनी हजेरी लावली होती.