'पाहिले न मी तुला' या मालिकेतील अभिनेत्री तन्वी मुंडलेच्या वडिलांचे निधन झाले आहे. सूत्रांनी दिलेल्या माहितीनुसार, तन्वीचे वडील प्रकाश मुंडले यांनी २४ ऑक्टोबर रोजी अखेरचा श्वास घेतला. तन्वीने सोशल मीडियावर वडिलांसोबतचा फोटो शेअर केला आहे. फोटो शेअर करत तिने भावनिक पोस्ट लिहिली आहे. तन्वीने वडिलांसोबतचा फोटो शेअर करत, 'तु माझ्या आयुष्यातील सगळ्यात जवळचा मित्र आहेस आणि हे माझं भाग्य आहे की मी तुझी मुलगी आहे. खुप प्रेम आबु' असे कॅप्शन दिले आहे. तिच्या या पोस्टवर अनेकांनी कमेंट करत श्रद्धांजली वाहिली आहे. तन्वीने आजवर अनेक नाटकांनामध्ये काम केले आहे. ती 'पहिले न मी तुला' या मालिकेत मानसीची भूमिका साकारताना दिसत आहे. या मालिकेतून ती महाराष्ट्राच्या घराघरात पोहोचली.