…म्हणून ‘कमळी’ मालिकेसाठी होकार दिला! अखेर आर्या आंबेकरने सांगितलं खरं कारण, म्हणाली, “खऱ्या आयुष्यात…”

आर्या आंबेकर ‘मराठी मनोरंजन विश्व’ला दिलेल्या मुलाखतीत म्हणाली, “मालिकाविश्वात मी या निमित्ताने पहिल्यांदाच काम करतेय. यापूर्वी मी कधीही मालिकेत काम केलेलं नव्हतं. त्यात सुद्धा ही भूमिका माझ्यासाठी फारच नवीन आहे. बरोबर मी जशी नाहीये…तशीच ही भूमिका आहे. तुला मी आवडली नाहीये का? आवडलीये ना? हे डायलॉग मी खऱ्या आयुष्यात कधीच बोलणार नाही पण, आता मालिकेत तसेच डायलॉग मला बोलायचे आहेत.”

…म्हणून होकार दिला

आर्या पुढे म्हणाली, “माझ्या भूमिकेचं नाव आहे अनामिका गाडगीळ आणि माझं हे पात्र आहे अतिशय सकारात्मक आहे. मी या मालिकेत संगीताची प्रोफेसर आहे त्यामुळे हेच या मालिकेला ‘हो’ म्हणण्याचं खरं कारण होतं. मला खऱ्या आयुष्यात सुद्धा संगीताची प्रोफेसर व्हायला आवडेल. म्हणूनच मी या मालिकेसाठी हो म्हटलं.”

“यापूर्वी सुद्धा मला मालिकांसाठी अनेकदा ऑफर्स आल्या. पण, सर्वांनाच माहिती आहे की, मालिकांचं शेड्युल हे खूप हेक्टिक असतं. १२-१२ तासांच्या शिफ्ट हे सगळे कलाकार करतात…यासाठी त्यांचं कौतुकच आहे.” असं आर्याने सांगितलं.

दरम्यान, आता ‘कमळी’ मालिकेत आर्याच्या म्हणजेच अनामिकाच्या एन्ट्रीनंतर कोणतं वळण येणार हे पाहणं महत्त्वाचं ठरणार आहे. ही अनामिका हृषीच्या आयुष्यात एन्ट्री घेईल…आर्याने सांगितल्याप्रमाणे तिचं हे पात्र सकारात्मक आहे. त्यामुळे अनामिका आल्यावर हृषीला कमळीवर असलेल्या प्रेमाची जाणीव होणार की काहीतरी वेगळंच घडणार याचा उलगडा लवकरच मालिकेत होईल. दरम्यान, आर्याच्या एन्ट्रीचा विशेष भाग ८ एप्रिलला रात्री ९ वाजता ‘झी मराठी’वर प्रेक्षकांच्या भेटीला येईल.

‘कमळी’बद्दल सांगायचं झालं तर, या मालिकेत विजया बाबर, निखिल दामले, केतकी कुलकर्णी, इला भाटे, केतकी कुलकर्णी यांच्या प्रमुख भूमिका आहेत.