अभिनय क्षेत्रात येण्यापूर्वी ‘या’ क्षेत्रात काम करायचा अभिषेक देशमुख, किती आहे शिक्षण? घ्या जाणून…

अभिषेक यापूर्वी याच वाहिनीवरील ‘आई कुठे काय करते’ या मालिकेत यश देशमुख या भूमिकेतून झळकलेला. यामधून तो खऱ्या अर्थाने प्रसिद्धीझोतात आला. यातील त्याच्या अभिनयासाठी अनेकांनी त्याचं कौतुक केलं.  त्याने रंगभूमीपासून त्याच्या करिअरची सुरुवात केलेली.  त्यानंतर मालिका आणि चित्रपट असा प्रवास त्याने केला. अभिनय करण्यासह तो लिखान आणि दिग्दर्शनही करतो. त्याने नाटकांचं दिग्दर्शन आणि त्यामध्ये अभिनयसुद्धा केला आहे. नाटकाचं दिग्दर्शन करत असतानाच त्याची कृतिका देवबरोबर ओळख झाली. एकत्र काम करता करता दोघे प्रेमात पडले आणि २०१८मध्ये दोघांनी लग्न केलं. पण, तुम्हाला माहीत आहे का अभिषेक देशमुखचं शिक्षण किती आहे, त्याने कोणत्या क्षेत्रात यापूर्वी काम केलं होतं?

कोणत्या क्षेत्रात काम करायचा अभिषेक देशमुख?

अभिषेक देशमुखने काही दिवसांपूर्वी ‘दुरदर्शन सह्याद्री’ला मुलाखत दिली. ज्यामध्ये त्याने त्याच्या शिक्षणाबद्दल सांगितलं आहे. अभिषेक एक आर्किटेक्ट आहे. अभिनय क्षेत्रात पूर्णपणे सक्रीय होण्यापूर्वी त्याने काही काळ आर्किटेक्ट म्हणून काही प्रोजेक्टवर काम केलं आहे. परंतु, कलाविश्वात काम करण्याच्या आवडीखातर त्याने पूर्णपणे याच क्षेत्रात काम करण्याचा कालंतराने निर्णय घेतला. असं त्याने या मुलाखतीत सांगितलं आहे.

अभिषेक देशमुख हा मुळचा जळगावचा असून मनोरंजन विश्वात काम करण्याकरता तो आधी पुण्यात राहायचा. तिथे त्याने रंगभूमीवर काम केलं. त्यावेळी त्याने नाटक लिहिणं, दिग्दर्शित करणं हे काम केलं. नंतर अभिनेता मुंबईत आला आणि मालिकांमध्ये काम करू लागला. ‘झी मराठी’वरील ‘पसंत आहे मुलगी’ ही त्याची पहिली मालिका होती. त्यानंतर तो ‘आई कुेठ काय करते’मध्ये झळकला. त्यानंतर आता अभिनेता ‘मी सावित्रीबाई जोतीराव फुले’ या मालिकेतील जोतीराव फुले यांच्या भूमिकेमुळे चर्चेत आहे.

दरम्यान, अभिषेक देशमुख सोशल मीडियावर खूप सक्रिय असतो आणि यामार्फत तो अनेकदा त्याच्या दैनंदिन जीवनातील घडामोडी तसेच कामासंदर्भातील अपडेट शेअर करत असतो. सोशल मीडियावर त्याचे अनेक फॉलोअर्स आहेत.