Premium

चेहरा नितळ आणि पिंपल फ्री कसा ठेवायचा? सोप्या घरगुती टिप्स देत लोकप्रिय मराठी अभिनेत्री म्हणाली…

यूट्यूब चॅनलच्या एका व्हिडीओमधून तिने आपला चेहरा नितळ कसा ठेवायचा यासाठी काही टिप्स दिल्या आहेत.

Uma-tips-for-pimple-free-skin

‘स्वामिनी’, ‘अग्गंबाई सूनबाई’, ‘योग योगेश्वर जयशंकर’ या मालिकांमधून प्रेक्षकांच्या भेटीला आलेली अभिनेत्री उमा पेंढारकर ही मनोरंजन विश्वापासून दूर जाऊन न्यूझीलंडला राहायला गेली आहे. तिचा नवरा तिथे स्थायिक असतो. तर आता ती तिच्या यू ट्यूब चॅनलच्या माध्यमातून चाहत्यांच्या भेटीला येत आहे. तर आता यूट्यूब चॅनलच्या एका व्हिडीओमधून तिने आपला चेहरा नितळ कसा ठेवायचा यासाठी काही टिप्स दिल्या आहेत.

या बातमीसह सर्व प्रीमियम कंटेंट वाचण्यासाठी साइन-इन करा

उमा आता मालिकांमधून प्रेक्षकांच्या भेटीला येत नसली तरी यूट्यूब चॅनलच्या माध्यमातून ती तिच्या चाहत्यांच्या संपर्कात राहात मेकअपबद्दल, स्किनकेअरबद्दल, आरोग्य मानसिक आरोग्याबद्दल काही महत्त्वाच्या टिप्स देत असते. तर आता नुकताच तिने एक व्हिडीओ पोस्ट करत चेहरा नितळ आणि पिंपल फ्री कसा ठेवायचा यासाठी काही घरगुती उपाय सांगितले आहेत.

आणखी वाचा : मनोरंजन सृष्टीतून ब्रेक घेऊन प्रसिद्ध मराठी अभिनेत्री गेली न्यूझीलंडला, परदेशातून सुरु केलं ऑनलाईन काउन्सिलिंग, म्हणाली…

ती म्हणाली की, “जर तुम्हाला ग्लोइंग आणि पिंपल फ्री त्वचा हवी असेल तर रोज रात्री झोपताना हळद दूध प्यायचं. पण हळदीबरोबरच त्या दुधामध्ये एक चमचा गाईचं शुद्ध तूप घालायचं. चवीला हे फारसं छान लागणार नाही पण याचा तुमची त्वचा चांगली ठेवण्यासाठी निश्चितच खूप उपयोग होईल. तर रोज सकाळी उठल्यानंतर कोमट पाण्यामध्ये लिंबू पिळून ते पाणी प्यायचं. याचा वजन कमी करण्यासाठी किती उपयोग होईल हे मी खात्रीने सांगू शकत नाही. पण चेहऱ्यावर एक चमक आणण्यासाठी याचा नक्कीच फायदा होईल.”

हेही वाचा : “पायाजवळ घोणस आली आणि…”; उमा पेंढारकरने सांगितला शूटिंगदरम्यानचा चित्तथरारक अनुभव

तर आता तिने शेअर केलेला हा व्हिडीओ चर्चेत आला असून त्यावर कमेंट करत तिचे चाहते तिला यावर सकारात्मक प्रतिक्रिया देत आहेत.

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Actress uma pendharkar gave simple tips for glowing and pimple free skin rnv

First published on: 23-09-2023 at 19:30 IST
Next Story
Video : प्रथमेश लघाटेने बाप्पासाठी बनवले उकडीचे मोदक, व्हिडीओ पाहून नेटकरी म्हणाले, “आता मुग्धालाही…”