'देवमाणूस'मधून एक्झिट घेतल्यानंतर 'ही' अभिनेत्री चित्रपटातून प्रेक्षकांच्या भेटीला येणार; मालिकेतील कलाकारांबद्दल म्हणाली…

Simran Khedkar on costars of Devmanus: 'देवमाणूस' फेम किरण गायकवाडबद्दल काय म्हणाली अभिनेत्री?

सिमरन खेडकर (फोटो सौजन्य: इन्स्टाग्राम)

Simran Khedkar on costars of Devmanus: ‘देवमाणूस’ ही मालिका लोकप्रिय मालिकांपैकी एक आहे. या मालिकेत गोपाळ, लाली, आप्पा, इन्स्पेक्टर जामकर, नरूआजी ही आणि इतर अनेक पात्रे पाहायला मिळतात.

काही दिवसांपूर्वीच मालिकेत आर्याचा खून होताना दिसला. लालीने आर्याचा खून केला. आर्या लालीच्या नवऱ्याच्या म्हणजेच गोपाळच्या प्रेमात पडली होती. त्यामुळे लालीने नरकी हडळ उत्सवादरम्यान आर्याचा खून केला.

गोपाळ ही भूमिका अभिनेता किरण गायकवाडने; तर लाली ही भूमिका सोनम म्हसवेकरने आणि अभिनेत्री सिमरन खेडकरने आर्या ही भूमिका साकारली आहे. काही दिवसांपूर्वीच सिमरन खेडकरने मालिकेतून एक्झिट घेतली आहे.

हेही वाचा

हिरवी साडी, हातात गुलाब…; ‘आई कुठे काय करते’ फेम अभिनेत्रीचं लग्न ठरलं! अपूर्वाच्या आयुष्यातील ‘तो’ आहे तरी कोण? पाहा फोटो…

आता नुकत्याच दिलेल्या मुलाखतीत सिमरन खेडकरने ‘देवमाणूस’ मालिकेबद्दल, तसेच मालिकेतील कलाकारांबद्दल वक्तव्य केले आहे. सिमरनने नुकतीच फिल्मी मराठी केएमडब्लू या चॅनेलला मुलाखत दिली.

“मला आर्या या पात्राचं…”

या मुलाखतीत ती आर्या या पात्राबद्दल म्हणाली, “मला आर्या या पात्राचं कौतुक यासाठी वाटतं की, प्रेम करण्याची आणि आपली स्वप्नं पूर्ण करण्याची अफाट ताकद तिच्यात आहे. प्रचंड मेहनती असं ते पात्र होतं आणि मा‍झ्या खऱ्या आयुष्यात मीदेखील तशीच आहे. मेहनतीला मी घाबरत नाही, तसंच आर्याचंदेखील होतं. मला ही गोष्ट नव्यानं शिकण्यास मिळाली.”

मालिकेतील कलाकारांबद्दलदेखील तिने वक्तव्य केले. किरण गायकवाडबद्दल ती म्हणाली की, तो उत्तम सहकलाकार आहे. मिलिंद शिंदे सर्वोत्तम कलाकार आहेत. माधव अभ्यंकर यांच्याबद्दल ती म्हणाली की, ते बापमाणूस आहेत. रुक्मिणी सुतार यांच्याविषयी ती म्हणाली की नरूआजी आमची हिरोईन आहे. तर सोनमला सीनियर म्हणत तिने देवमाणूस मालिकेतील कलाकारांचे कौतुक केले.

पुढे ती म्हणाली, “मी आता झी मराठीच्या मालिकेत काम केलं आणि आता माझा झी स्टुडिओतर्फे एक चित्रपट येतोय. रुबाब असं सिनेमाचं नाव आहे. ६ फेब्रुवारीला हा सिनेमा प्रदर्शित होत आहे.”

हेही वाचा

The 50 हा शो नेमका काय आहे? जाणून घ्या ‘या’ खास गोष्टी; शिव ठाकरेसह ‘या’ खेळाडूंनी वेधले लक्ष

मालिकेत दाखविल्याप्रमाणे, आर्या ही इन्स्पेक्टर जामकरची बहीण होती. लालीने तिचा खून केला. गोपाळला तिचा मृतदेह सापडला. मात्र, इतर कोणालाही आर्याच्या खुनाबद्दल, ती जिवंत नसल्याबद्दल माहिती नाही. इन्स्पेक्टर जामकर तिच्या बहिणीचा शोध घेत आहे. मात्र, तिच्या हाती काहीही येत नसल्याचे पाहायला मिळते. तसेच, मालिकेत अनेक ट्विस्ट येत असल्याचेदेखील दिसते. त्यामुळे मालिकेत नेमके काय घडणार हे पाहण्यासाठी प्रेक्षक उत्सुक असतात.