scorecardresearch

Premium

Video : ‘बाईपण भारी देवा’ फेम अभिनेत्री आहे ‘ठरलं तर मग’ मालिकेची लेखिका! सांगितला सायली-अर्जुनचा वर्षभराचा प्रवास

‘ठरलं तर मग’ मालिकेची लेखिका कोण आहे माहितीये का? ‘बाईपण भारी देवा’ चित्रपटात साकारली आहे महत्त्वाची भूमिका…

baipan bhari deva fame shilpa navalkar is the writer of famous marathi serial tharla tar mag
'ठरलं तर मग' मालिकेची लेखिका कोण आहे माहितीये का?

‘ठरलं तर मग’ ही मालिका गेल्या वर्षभरापासून छोट्या पडद्यावर अधिराज्य गाजवत आहे. रंजक कथानक व कलाकारांचा उत्तम अभिनय यामुळे अल्पावधीतच या मालिकेने प्रेक्षकांची भरभरून पसंती मिळवली. गेल्यावर्षी ५ डिसेंबर २०२२ रोजी या मालिकेचा पहिला भाग प्रेक्षकांच्या भेटीला आहे. आज बरोबर एक वर्षांनंतरही मालिकेने आपलं टीआरपीमधील पहिलं स्थान अबाधित ठेवलं आहे. या मालिकेचं संपूर्ण कथानक सायली-अर्जुनचं कॉन्ट्रॅक्ट मॅरेज आणि मधूभाऊंची केस याभोवती फिरतं. ‘ठरलं तर मग’ने टीआरपीत अव्वल स्थान राखण्याचं संपूर्ण श्रेय या मालिकेच्या कलाकारांबरोबरच याच्या लेखकाचंही आहे. सायली-अर्जुनच्या कॉन्ट्रॅक्ट मॅरेजची कथा नेमकं कोण लिहितंय जाणून घेऊयात…

‘ठरलं तर मग’ या मालिकेला आज १ वर्ष पूर्ण झालेलं आहे. या निमित्ताने या मालिकेच्या कलाकारांनी खास पोस्ट शेअर करत प्रेक्षकांप्रती आपली कृतज्ञता व्यक्त केली आहे. मालिकेचं दिग्दर्शन सचिन गोखलेंनी तर, निर्मिती आदेश बांदेकरांच्या सोहम प्रोडक्शनने केली आहे. ‘ठरलं तर मग’चा प्रमुख आधारस्तंभ आहे याची अनोखी कथा. या कथेचं लेखन ‘बाईपण भारी देवा’ चित्रपटात महत्त्वाच्या भूमिका साकारणाऱ्या अभिनेत्रीने केलं आहे.

film director Kumar Shahani passed away
प्रख्यात चित्रपट दिग्दर्शक कुमार शाहनी यांचे निधन; कलात्मक हिंदी चित्रपटसृष्टीचा महत्त्वाचा दुवा निखळला
PM Modi PM Modi on Article 370on Article 370
“हा चित्रपट कसा आहे याबद्दल…”, पंतप्रधान मोदींनी जम्मूमध्ये केला ‘आर्टिकल ३७०’ चा उल्लेख; यामी गौतम म्हणाली…
hee anokhi gaath trailer launch
‘ही अनोखी गाठ’ : श्रेयस तळपदेचं दमदार कमबॅक! शरद पोंक्षेसह ‘काहे दिया परदेस’ फेम अभिनेत्याने वेधलं लक्ष, ट्रेलर प्रदर्शित
snehal sidham in Teri Baaton Mein Aisa Uljha Jiya
वनिता खरात, प्रियदर्शनीनंतर शाहीद कपूरच्या चित्रपटात ‘या’ मराठमोळ्या अभिनेत्रीची वर्णी! म्हणाली, “कळवायला उशीर…”

हेही वाचा : “मज्जाच गेली…”, नम्रता संभेरावची नाटकातून एक्झिट अन् नेटकरी झाले नाराज, विशाखा सुभेदार म्हणाली, “आधीच…”

‘बाईपण भारी देवा’ या चित्रपटात एकूण सहा अभिनेत्रींनी मुख्य भूमिका साकारल्याने यातील नेमकी कोण? असा प्रश्न सर्वांनाच पडला असेल. परंतु, या सहा जणींमध्ये अभिनेत्री शिल्पा नवलकर या उत्तम लेखिका आहे. गेल्या वर्षभरापासून शिल्पा नवलकर, सायली-अर्जुनच्या कॉन्ट्रॅक्ट मॅरेजच्या कथेचं अर्थात ‘ठरलं तर मग’चं लेखन करत आहेत. याशिवाय त्यांनी मालिकेत प्रतिमा ही महत्त्वपूर्ण भूमिका देखील साकारली आहे.

शिल्पा नवलकर यांनी या मालिकेचा वर्षभराचा प्रवास एका व्हिडीओच्या रुपात शेअर केला आहे. यामध्ये त्या लिहितात, “आज ‘ठरलं तर मग’ मालिकेला पूर्ण होत आहे १ वर्ष…त्यानिमित्ताने पहा अर्जुन-सायलीचा आतापर्यंतचा प्रवास…या प्रवासात मोलाची साथ दिलीत आणि भरभरून प्रेम केलंत, त्याबद्दल सर्व प्रेक्षकांचे मनःपूर्वक आभार..!! त्याचबरोबर या मालिकेचे निर्माते, दिग्दर्शक, कलाकार, तंत्रज्ञ या सगळ्यांचे मनःपूर्वक अभिनंदन आणि आभार. आतापर्यंत दिलेली साथ आणि प्रेम असंच पुढे राहो, हीच प्रार्थना..!”

हेही वाचा : Video : “शाळेचा वर्ग, मैदान अन्…”, सिद्धार्थ चांदेकर रमला जुन्या आठवणीत! म्हणाला, “अडीच रुपयांचा वडापाव…”

दरम्यान, ‘ठरलं तर मग’ मालिकेत जुई गडकरी, अमित भानुशाली, केतकी पालव, प्रियांका दिघे, प्रिया तेंडोलकर, सागर तळाशीकर, ज्योती चांदेकर या कलाकारांनी महत्त्वाच्या भूमिका साकारल्या आहेत.

Latest Comment
View All Comments
Post Comment

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Baipan bhari deva fame shilpa navalkar is the writer of famous marathi serial tharla tar mag know in details sva 00

First published on: 05-12-2023 at 20:44 IST

संबंधित बातम्या

तुम्ही या बातम्या वाचल्या आहेत का? ×