आपल्या विनोदी कौशल्याने प्रेक्षकांच्या मनात आपलं वेगळं स्थान निर्माण करणारं व्यक्तिमत्त्व म्हणजेच भाऊ कदम. ‘फू बाई फू’, ‘चला हवा येऊ द्या’ या विनोदी कार्यक्रमांतून भाऊ कदम यांनी चाहत्यांना खळखळून हसवलं. तर नाटक, मालिका, सिनेमा अशा विविध ठिकाणी भाऊ कदम यांनी आपल्या अभिनयाचा ठसा उमटवला. ‘फेरारी की सवारी’ या हिंदी चित्रपटातदेखील भाऊ कदम यांनी कम केलंय. परंतु, भाऊ हिंदीपेक्षा मराठी सिनेसृष्टीत जास्त रमतात, असं त्यांनी एका मुलाखतीत सांगितलं.

‘चला हवा येऊ द्या’ हा विनोदी कार्यक्रम गेल्या महिन्यात बंद झाला. संपूर्णपणे १० वर्षं या कार्यक्रमानं चाहत्यांच्या मनावर अधिराज्य गाजवलं. हा कार्यक्रम संपल्यानंतर त्यातील कलाकारांनी आपापले मार्ग शोधले. त्यातील हरहुन्नरी कलाकार कुशल बद्रिकेने हिंदी कॉमेडी शो ‘मॅडनेस मचायेंगे’ या कार्यक्रमात एन्ट्री मारली. कुशलसारखीच भाऊ कदम यांनाही हिंदी कॉमेडी शोसाठी ऑफर आली होती; परंतु भाऊंनी ती ऑफर नाकारली.

Gajanan Kirtikar Eknath Shinde (1)
“त्यांनी शिंदेंना सलाम ठोकणं मला पटलं नाही”, पत्नीच्या वक्तव्यावर गजानन कीर्तिकर म्हणाले, “माझ्यावर…”
uddhav thackeray interview pm narendra moi bjp
“…तेव्हा मोरारजी देसाई म्हणाले होते, तुम्हाला गोळ्या..”, उद्धव ठाकरेंनी सांगितला ‘तो’ प्रसंग!
sushma andhare on raj thackeray (1)
“माझ्या नावाची सुपारी मिळणे…”, सुषमा अंधारेंचं राज ठाकरेंना प्रत्युत्तर; म्हणाल्या, “रमेश किनी हत्याकांड, कोहीनूर मिल आणि…”
What Sanjay Raut Said?
संजय राऊतांची फतव्यावर टीका, “राज ठाकरेंची औरंगजेबी वृत्तीच्या लोकांना साथ, हे पाहून बाळासाहेबांच्या आत्म्याला..”
eknath shinde sanjay raut (1)
“एकनाथ शिंदे म्हणाले, ईडी-सीबीआयवाले माझ्या मागे लागल्यामुळे…”, राऊतांनी सांगितला अयोध्या दौऱ्यातील प्रसंग
narendra modi uddhav thackeray
मोदींनी महायुतीचे दरवाजे उघडल्याची चर्चा, उद्धव ठाकरेंची भूमिका काय? राऊत म्हणाले, “त्यांना माहिती आहे…”
What Modi Said About Uddhav Thackeray ?
पंतप्रधान नरेंद्र मोदींचं वक्तव्य चर्चेत, “उद्धव ठाकरे हे माझे शत्रू नाहीत, उद्या…”
abhishek banerjee challenges amit shah
“हिंमत असेल तर माझ्या विरोधात निवडणूक लढवून दाखवा”, ममता बॅनर्जींच्या पुतण्याचे अमित शाह यांना आव्हान; म्हणाले, “जी व्यक्ती…”

हेही वाचा… ‘चला हवा येऊ द्या’ येणार पुन्हा एकदा प्रेक्षकांच्या भेटीला? निलेश साबळे खुलासा करत म्हणाला, “त्या टीममध्ये सागर कारंडे…”

नुकत्याच ‘लोकमत फिल्मी’ला दिलेल्या मुलाखतीत भाऊ कदम यांनी याबाबत खुलासा केला आहे. भाऊ कदम म्हणाले, “मला हिंदी शोमधून ऑफर आली होती; पण मी ती नाकारली. मी म्हटलं नाही सर, मी आता थांबतो. आता मला नाही करायचंय. कारण- इकडेही विनोदी तिकडेही विनोदी.”

भाऊ पुढे म्हणाले, “माझं खरं कारण खरं तर वेगळंच होतं. तेव्हा ‘चला हवा येऊ द्या’च्या ब्रेकबद्दल चर्चा सुरू होती. मी म्हटलं एक-दोन आठवडे त्या गोष्टीमधून थोडी विश्रांती घेऊ. मला नवीन ठिकाणी रुळायला जरा वेळ लागतो. हिंदीत गेल्यावर आपल्याला मराठीत जेवढा मान मिळतो, तेवढा मिळेल का? हाही एक प्रश्न होता. ओळखीचे नाहीयेत तिकडे; तर त्या घरात रमायला थोडा वेळ लागेल, असं मला वाटलं. आता इथे मी साबळे असल्यामुळे बिनधास्त असतो. त्यामुळे भीतीचा मुद्दा नसतो आणि माझं तिकडे मन रमलं नसतं. ते करून काय मला माझ्या घरासारखा अनुभव नाही येणार, असं मला वाटतं. म्हणजे मी जेवढा मराठीमध्ये व्यक्त होऊ शकतो तेवढा त्या भाषेमध्ये नाही होऊ शकत. म्हणून मी म्हटलं नको, मी नाही करत.”

हेही वाचा… एका मिनिटासाठी १ कोटी मानधन घेणारी भारतातील ‘ही’ पहिलीच अभिनेत्री; दीपिका पदुकोण, प्रियांका चोप्रालाही यात टाकले मागे

दरम्यान, निलेश साबळे, भाऊ कदम, ओंकार भोजने, स्नेहल शिदम व सुपर्णा श्याम हे कलाकार नव्यानं प्रेक्षकांना हसविण्यासाठी हजर झाले आहेत. कलर्स मराठी वाहिनीवरील ‘हसताय ना? हसायलाच पाहिजे!’ या विनोदी कार्यक्रमात या कलाकारांनी प्रेक्षकांचं मनोरंजन करायला सुरुवात केलीय.