“रुचिता-तन्वी शोसाठी खूप…”, ‘बिग बॉस मराठी’च्या स्पर्धकांबद्दल मेघा धाडेचं वक्तव्य; राकेश-दिपालीबद्दल म्हणाली…

कोल्हापुरची रुचिता जाधव ‘बिग बॉस’च्या घरात आल्यापासून चर्चेत आहे. आरडाओरड करून, तसेच अनेकदा वाद घालत ती टास्क पूर्ण करताना दिसते. ‘बिग बॉस’च्या घरात तिने अनेकदा हीच तिची गेम खेळण्याची पद्धत असल्याचं म्हटलं आहे. परंतु, तिच्या या स्वभावाबद्दल घरातील अनेक स्पर्धक तिची तक्रार करत असतात. पण, तिच्या याच स्वभावामुळे ती जास्त दिसत आहे आणि लोक तिला पाहत आहेत, असंही तिचं म्हणणं आहे. अशातच आता ‘बिग बॉस मराठी’ सीझन १ ची विजेती मेघा धाडेने तिच्याबद्दल प्रतिक्रिया देत ती या घरासाठी इंधन आहे, असं म्हटलं आहे.

‘बिग बॉस’मधील स्पर्धकांबद्दल काय म्हणाली मेघा?

राजश्री मराठीशी संवाद साधताना मेघाने रुचिता, प्रभू, दीपाली, राकेश व तन्वी कोलते या स्पर्धकांच्या गेमबद्दल प्रतिक्रिया दिली आहे. मुलाखतीत तिला या पर्वात दोघींचा आवाज खूप जास्त आहे. त्यातल्या एकीचा आवाज खूपच आहे,जिला सगळेच वैतागले आहेत त्यानंतर तन्वी या दोघींबद्दल तुला काय वाटतं, असं विचारल्यानंतर मेघा म्हणाली, “खरं सांगायचं, तर मला दोघींचा गेम नाही आवडत; पण त्या गेमसाठी महत्त्वाच्या आहेत. कारण- दोन्ही बाजूंमध्ये समतोल राखला पाहिजे. नकारात्मक आणि सकारात्मक दोन्ही पाहिजे. रुचिता तिच्या वयापेक्षा ती खूप मोठी असल्याचा आव आणत आहे. मला जेव्हा कळलं की, ती उत्तम डान्स करते, तिला मर्दानी खेळ खेळता येतात. तेव्हा खूप छान वाटलं. पण, तिच्या स्वभावामुळे ती सगळं वाया घालवत आहे.”

रुचिताबद्दल मेघा पुढे म्हणाली, “महाराष्ट्राच्या जनतेला कदाचित आवडत नसेल; पण शो चालवण्यासाठी ती इंधन आहे. शोसाठी ती महत्त्वाची आहे. ती एका भागात प्रभूला, तू भिड ना माझ्याशी तू व्हिलनशी भिडलास, तर हीरो दिसशील, असं म्हणाली याचा अर्थ तिला माहीत आहे की, ती व्हिलन दिसतेय. तिनं ते स्वीकारलंय की, व्हिलन तर व्हिलन; पण मी या शोमध्ये पुढे जाणार. त्यामुळे ती तिची स्ट्रॅटेजी आहे. हा शो इतकी लोकप्रिय देतो. त्यामुळे यामध्ये टिकण्यासाठी जर कधी वाईटपणा घ्यावा लागला, तर ठीक आहे. शोमध्ये एक प्रवास असला पाहिजे. चुकत असाल आणि होस्ट फीडबॅक देत असतील, तर बदला ना.”

मेघा तन्वीबद्दल पुढे म्हणाली, “जसा तन्वीनं तिचा गेम बदलला. त्यामुळे ती मधल्या काळात आपल्याला आवडली; पण तरी मधे मधे ती पलटी मारते. त्यानंतर तिनं धिंगाणा घातला, ते विजेत्यातील गुण नाहीये. त्यामुळे रुचितानं मग जे ठरवलंय की, मी जशी आहे तशीच राहणार. मला काही फरक पडत नाही. व्हिलन तर व्हिलन ते चांगलं आहे मग. तिच्या आवाजाचा त्रास होतो; पण ड्रामा तर शोमध्ये पाहिजे ना.”

प्रभूबद्दल मेघा बोलताना तो तिला खूप आवडो, असं म्हणाली. ती म्हणाली, “मला बिग बॉसच्या घरातील राकेश बापट, दीपालीताई व प्रभू शेळके खूप आवडत आहे. मला हे तिघे खूप खरे वाटतात. दीपालीताई तर खूप चांगली आहे. ती खऱ्या आयुष्यातही तशीच आहे. रुचिता तिला इतकं बोलते तरी तिनं रुचिताला सांभाळून घेतलं आहे.”

रुचिता व विशाल यांच्या शोमधील नात्याबद्दल विचारल्यानंतर मेघा म्हणाली, ‘विशालने यापूर्वीसुद्धा बिग बॉस केलं आहे. ही त्याची स्ट्रेटजी असू शकते. जर त्यांच्या घरच्यांना काही अडचण नसेल याबद्दल तर आपण का काही बोलायचं. पण जेव्हा काही दमदार स्पर्धक असतात माझ्यासारखे त्यांना अशा कुठल्या गोष्टीचा शोमध्ये टिकण्यााठी आधार घ्यावा लागत नाही.”