गौतम विग बिग बॉस १६ मुळे चांगलाच चर्चेत आला होता. काही दिवसांपूर्वी त्याला या घरातून बाहेर पडावं लागलं. या कार्यक्रमात त्याने केलेल्या विधानांमुळे आणि त्याच्या वागण्यामुळे तो खूप ट्रोल झाला. रिअॅलिटी शोमध्ये तो सुरुवातीला सक्रिय दिसत होता पण नंतर त्याने स्वतःच्याच पायावर कुऱ्हाड मारून घेतली. सौंदर्या शर्माबरोबर रोमान्स करण्यात तो इतका व्यग्र झाला की त्याचं खेळातील लक्ष विचलित झालं. त्यावेळी त्यांचा तो रोमान्स प्रचंड व्हायरल झाला. आता पुन्हा एकदा तो चर्चेत आला आहे. त्याने त्याच्या लेटेस्ट फोटोशूटमधील काही फोटो इंस्टाग्रामवर शेअर केले आहे, ज्यावर नेटकऱ्यांनी त्याला 'सौंदर्या' म्हणत त्याच्यावर निशाणा साधला आहे. गौतम विगने त्याच्या करिअरमध्ये खूप संघर्ष केला आहे. त्याने त्याच्या आयुष्यातील अनेक गोष्टी बिग बॉसच्या घरात असताना उघड केल्या आहेत. त्याला आता प्रसिद्धी मिळाली असली तरी तो ज्यासाठी या इंडस्ट्रीत आला होता, ते स्थान त्याला अजूनपर्यंत गाठता आलेलं नाही. आता 'बिग बॉस १६'च्या घरातून बाहेर आल्यावर त्याने एक किलिंग फोटोशूट केलं आहे. आणखी वाचा :Video: ‘मेरा दिल ये पुकारे…’ ट्रेंडच्या नादात माधुरी दीक्षितने केली पाकिस्तानी मुलीची कॉपी, नेटकरी संतापले यामध्ये त्याने भरपूर मेकअप केला असून त्याने त्याच्या डोळ्यांना आयलायनरही लावलेलं दिसत आहे. या सगळ्यात त्याने दाढीही वाढवली आहे. यावेळी त्याने बिबट्याच्या प्रिंटचं जॅकेट घातलं आहे. हेही वाचा : Bigg Boss 16: करण जोहरवर भेदभाव केल्याचा आरोप, सलमान खानकडे सूत्रसंचालन द्या; नेटकऱ्यांची मागणी त्याने कितीही स्टायलिश फोटोशूट केलं तरीही त्याचे हे फोटो नेटकऱ्यांना अजिबातच आवडलेले नाहीत. या फोटोंवर कमेंट्स करत नेटकरी त्याला चांगलंच ट्रोल करत आहेत. एका नेटकाऱ्याने लिहीलं, " आता फक्त लिपस्टिकची कमी आहे." तर दूसरा नेटकरी म्हणाला, "मला माहित नव्हतं की भाऊ आयलायनरही लावतो." आणखी एक नेटकरी म्हणाला, "तू सौंदर्या २.० दिसत आहेस." त्याचं हे फोटोशूट सोशल मीडियावर चर्चेचा विषय ठरत आहे.
