'बिग बॉस १६'मध्ये सध्या फॅमिली वीक सुरू आहे. घरातील सदस्यांचे कुटुंबिय त्यांना भेटण्यासाठी 'बिग बॉस'च्या घरामध्ये आले आहेत. एमसीस्टॅनची आई, शिव ठाकरेची आई, फराह खान, अर्चना गौतमचा भाऊ तसेच निमृत कौर अहलुवालियाच्या वडिलांनीही 'बिग बॉस'च्या घरात प्रवेश केला. आता टीना दत्ता व शालीन भानोतच्या आईने 'बिग बॉस'मध्ये एण्ट्री केली आहे. यादरम्यानचाच एक व्हिडीओ सोशल मीडियावर व्हायरल होत आहे. आणखी वाचा - “त्याच मुलीबरोबर तो…” शिव ठाकरेच्या लग्नाबाबत आईचा खुलासा, लेकाच्या रिलेशनशिपबाबतही केलं भाष्य टीना व शालीनमधील नात्याची सगळीकडेच जोरदार चर्चा सुरू आहे. तर सलमान खाननेही मागील आठवड्याच्या 'विकेण्ड का वार'मध्ये टीना व शालीनमधील नातं खोटं असल्याचं सांगितलं. 'बिग बॉस'च्या घरामध्ये आईला पाहताच टीना रडू लागले. तसेच टीनाची आई तिला मिठी मारते. टीनाची आई म्हणते, "दहा मुलं जे करू शकत नाहीत ते तू एक मुलगी म्हणून केलं आहेस." हे ऐकल्यानंतर टीनाला आणखीनच रडू कोसळतं. त्यानंतर गार्डन एरियामध्ये बसून टीना आईला शालीन व तिच्या नात्याबाबत विचारते. यावर टीनाची आईही तिला अगदी स्पष्ट शब्दांमध्ये उत्तर देते. आणखी वाचा - Photos : घर, सोन्याचे दागिने अन् शेतजमीन; कोट्यवधींची मालकीण असलेल्या अमृता फडणवीसांवर आहे ६२ लाखांचं कर्ज "खरंच प्रेम करतो असं तुला वाटतं का?" असं टीना आईला विचारताच प्रेम वगैरे काही नाही असं तिची आई म्हणते. "कोणताच तमाशा, ड्रामा होऊ नये असं मला वाटतं." असं टीना म्हणते. यावर टीनाची आई म्हणते, "टेन्शन घ्यायचं नाही. मी तुझी आई आहे आणि तू माझी मुलगी आहेस. तू माझी आई नाहीस." टीनाची आई व शालीनची आई या दोघी घरात एकत्र आल्यावर नेमकं काय काय घडणार? हे पाहणं रंजक ठरणार आहे.