scorecardresearch

Premium

Video: मुक्ता-सागरच्या लग्नासाठी ‘या’ खास पाहुण्यांची हजेरी, ‘बिग बॉस’ फेम गायकाच्या गाण्यावर थिरकणार गोखले-कोळी कुटुंब

प्रेमाची गोष्ट: मुक्ता-सागरच्या हळदी समारंभाचा व्हिडीओ पाहा

Bigg Boss fame Santosh Chaudhary, Kishori Ambiye attended Mukta-Sagar's wedding
प्रेमाची गोष्ट: मुक्ता-सागरच्या हळदी समारंभचा व्हिडीओ पाहा

अभिनेत्री तेजश्री प्रधान आणि अभिनेता राज हंचनाळे यांची प्रमुख भूमिका असलेली ‘प्रेमाची गोष्ट’ मालिका सध्या लोकप्रियतेच्या शिखरावर आहे. ४ सप्टेंबरपासून सुरू झालेल्या या मालिकेने प्रेक्षकांची चांगलीच मन जिंकली आहेत. तेजश्रीने साकारलेली मुक्ता आणि राजने साकारलेला सागर तसेच इतर पात्र अल्पावधीतच घराघरात पोहोचले आहेत. लवकरच गोखले-कोळी कुटुंबात शुभकार्यास सुरुवात होणार आहे. मुक्ता-सागर लग्नबंधनात अडकणार असून दोन्ही कुटुंबात लग्नाची लगबग सुरू झाली आहे. मुक्ता-सागरच्या लग्नासाठी काही खास पाहुणे येणार आहेत.

मुक्ता-सागरचं लग्न गोखले कुटुंबियाच्या रितीरिवाजानुसार होणार आहे. साखरपुडा, मेहंदी, हळद, सप्तपदी असं समारंभपूर्वक लग्न पाहायला मिळणार आहे. सध्या सोशल मीडियावर दोघांच्या लग्नसोहळ्याचे फोटो आणि व्हिडीओ व्हायरल झाले आहेत.

love triangle nagpur
‘पती, पत्नी और वो…’ प्रेमाच्या त्रिकोणातून दोन संसार उद्ध्वस्त होण्याच्या मार्गावर; भरोसा सेलने…
youth lured a young woman
नागपूर : प्रेमसंबंध एकीशी अन् लग्न दुसरीशी… हळद लागण्यापूर्वीच नवरदेवाच्या हातात बेड्या…
valentine day marathi news,valentine day uttarakhand marathi news, uttarakhand marathi news
उत्तराखंडात ‘व्हॅलेंटाइन’सह जगण्याच्या अधिकारावरच बंधन…
rain in Kailash Khers program the audience flees by covering chairs as umbrellas
वर्धा : कैलाश खेर यांच्या कार्यक्रमात पावसाचे आगमन, खुर्च्यांची छत्री करीत श्रोत्यांचे पलायन; पाच हजार खुर्च्या गायब

हेही वाचा – Premachi Goshta: कोळी पेहरावात पाहून राज हंचनाळेच्या बायकोची होती ‘ही’ प्रतिक्रिया, म्हणाली, “घरी…”

नुकताच सागर म्हणजे राज हंचनाळेच्या इन्स्टाग्राम पेजवर हळदीचा एक व्हिडीओ शेअर करण्यात आला आहे. ज्यामध्ये हळदीच्या तयारीपासून ते डान्स वगैरे सर्व काही पाहायला मिळत आहे. हळदीच्या समारंभासाठी सागर खास कोळी पेहरावात दिसत आहे. तर मुक्ता पांढऱ्या रंगाच्या साडीत पाहायला मिळत आहे. यादरम्यान गोखले-कोळी कुटुंबातील सदस्य एका प्रसिद्ध गायकाच्या गाण्यावर थिरकताना दिसत आहेत. हा प्रसिद्ध गायक म्हणजे लाडका दादूस. मुक्ता-सागरच्या लग्नासाठी खास ‘बिग बॉस मराठी’ फेम संतोष चौधरी यांनी हजेरी लावली आहे. तसेच माहितीनुसार, अभिनेत्री किशोरी अंबिये देखील पाहायला मिळणार आहेत.

हेही वाचा – शुभांगी गोखलेंनी दोन्ही हातावर स्वतः काढली मेहंदी, हे पाहून तेजश्री प्रधान कौतुक करत म्हणाली, “ती स्वयंभू…”

दरम्यान, अनेक व्हिडीओमध्ये मुक्ता-सागरचा साखरपुडा किंवा इतर समारंभ निर्विघ्नपणे पार पडताना दिसत असले तरी यामध्ये अनेक ट्विस्ट पाहायला मिळणार आहे. हे ट्विस्ट नक्की कोण आणणार? हे पाहणं उत्सुकतेचं असणार आहे.

Latest Comment
View All Comments
Post Comment

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bigg boss fame santosh chaudhary kishori ambiye attended mukta sagars wedding pps

First published on: 09-12-2023 at 19:28 IST

संबंधित बातम्या

तुम्ही या बातम्या वाचल्या आहेत का? ×