बिग बॉस मराठी हा रिअॅलिटी शो कायमच विविध कारणांमुळे चर्चेत असतो. शिव ठाकरेने बिग बॉस मराठीचे दुसरे पर्व जिंकले होते. या पर्वानंतर आता शिव हा बिग बॉस १६ मध्ये सहभागी झाला आहे. या कार्यक्रमाद्वारे त्याने सर्व हिंदी रसिकांची मनं जिंकण्यास सुरुवात केली आहे. सध्या तो चांगलाच चर्चेत आहे. शिव हा हिंदी बिग बॉस सीझन १६ मध्ये सहभागी झाला आहे. यावेळी त्याने सर्व प्रेक्षकांची पहिल्या दिवसापासूनच मनं जिंकण्यास सुरुवात केली आहे. मात्र एकदा एका मुलाखतीत शिव ठाकरेची एक्स गर्लफ्रेंड अभिनेत्री वीणा जगतापने तो खोटारडा आहे, असा आरोप केला होता. या मुलाखतीचा एक व्हिडीओ सध्या व्हायरल होत आहे.

बिग बॉस या कार्यक्रमातून प्रसिद्धीझोतात आलेली अभिनेत्री म्हणून वीणा जगतापकडे पाहिले जाते. बिग बॉस मराठी २ हे पर्व शिव आणि वीणा यांच्या लव्हस्टोरीमुळे चांगलाच गाजला. या दोघांच्या केमिस्ट्रीमुळे बिग बॉसला चार चांद लागले होते. विशेष म्हणजे वीणाने शिवच्या नावाचा टॅटूही हातावर गोंदवून घेतला होता. तसेच शिव बिग बॉसचा विजेता ठरल्यानंतर तिने जंगी सेलिब्रेशनही केले होते. मात्र त्यानंतर काही महिन्यांनी त्यांचा ब्रेकअप झाला. मात्र बिग बॉसच्या घरातून बाहेर पडल्यानंतर त्या दोघांनी एकत्र अनेक मुलाखती दिल्या. यातील एका मुलाखतीत वीणा जगतापने शिव खोटारडा आहे, असे म्हटले होते.
आणखी वाचा : “माझ्या १६९ गर्लफ्रेंड होत्या अन् बिग बॉस…” शिव ठाकरेने केला खुलासा

Sita & Akbar: How names of two lions became the reason for a plea in Calcutta High Court
अकबराची बहीण लक्ष्मी? अकबर, सीता, तेंडुलकर आदी नावं प्राण्यांना द्यायची पद्धत कशी पडली?
Sameer Wankhede on aryan Khan arrest
आर्यन खानच्या अटकेनंतर जातीवरून केलं लक्ष्य, भ्रष्टाचाराचे झालेले आरोप; समीर वानखेडे म्हणाले, “प्रत्येक गोष्टीचा संबंध…”
Supreme Court ban Patanjali from advertising
अग्रलेख : बाबांची बनवेगिरी !
loksatta kutuhal article about perfect artificial intelligence
कुतूहल : परिपूर्ण बुद्धिमत्तेचे धोके

कलर्स मराठी या वाहिनीवरील दोन स्पेशल या मुलाखतीदरम्यान शिव-वीणा यांनी हजेरी लावली होती. बिग बॉस मराठीतून प्रसिद्धीझोतात आलेल्या या जोडप्याला यावेळी त्यांच्या खासगी आयुष्याबद्दल अनेक प्रश्न विचारले. अभिनेता जितेंद्र जोशीने या कार्यक्रमाचे सूत्रसंचालन केले होते. यावेळी त्याने शिव आणि वीणाला त्या दोघांबद्दल प्रश्न विचारले आणि त्याची उत्तर त्यांना लिहायला सांगितली. यावेळी जितेंद्र जोशीने शिव आणि वीणाला शिवची रास कोणती हे लिहिण्यास सांगितले. त्यावेळी शिवने काहीही लिहिले नाही. तर वीणाने त्यावर कन्या असे लिहिले. त्यानंतर शिवचा आवडता रंग असा प्रश्न विचारला असता शिवने लाल आणि वीणाने काळा असे लिहिले.

यानंतर जितेंद्र जोशींनी त्या दोघांना वीणाचा आवडता हिंदी अभिनेता कोणता असा प्रश्न विचारला. त्यावर उत्तर देताना शिवने सलमान खान असे लिहिले. तर वीणाने मला अक्षय कुमार असे लिहिले. त्यावर शिव म्हणाला तू कधी सलमान म्हणतेस. काही दिवसांपूर्वी बिग बॉसच्या वेळी सलमान म्हटलं होतंस. त्यानंतर वीणा म्हणाली नाही मी तुला मिस्टर अँड मिसेस खिलाडी अक्षय कुमार असे सांगितले होते. तू खोटारडा आहेस, असे वीणाने गमतीत म्हटले. मात्र त्यांच्या दोघांचा हा व्हिडीओ सध्या चांगलाच व्हायरल होत आहे.

आणखी वाचा : “पहिलं आणि शेवटचं…” शिव ठाकरेबद्दलचा प्रश्न विचारल्यानंतर वीणा जगताप संतापली

दरम्यान सध्या शिव हा बिग बॉस हिंदीच्या १६ व्या पर्वात सदस्य म्हणून सहभागी झाला आहे. शिव ठाकरे बिग बॉस हिंदीमध्ये गेल्यानंतर पहिल्याच आठवड्यात सलमान खानने त्याचे कौतुक केले होते. त्यानंतर शिव ठाकरे सोशल मीडियावर ट्रेंडमध्ये असल्याचे पाहायला मिळत होते. तर वीणा ही अनेक मालिकांमध्ये झळकत असल्याचे पाहायला मिळत आहे.