Video: सूरज चव्हाणला पाण गेंडा ओळखताना आले नाकीनऊ; सर्व सदस्यांना झालं हसू अनावर, पाहा व्हिडीओ

पंढरीनाथ कांबळे आणि संग्राम चौगुले यांनी २० हजार तर धनंजय पोवार आणि वर्षा उसगांवकर यांनी ३० हजार बीबी करन्सी जिंकली आहे. त्यानंतर जान्हवी किल्लेकर आणि अरबाज पटेल यांची ‘काककुवा’ पक्षामुळे चांगलीच तारांबळ उडाली. काकाकुवा पक्षी ओळखताना संपूर्ण पाण्याची टाकी शून्यवर गेली. त्यामुळे दोघं बीबी करन्सी जिंकू शकले नाहीत. आज उर्वरित जोड्या बीबी करन्सीचा टास्क खेळणार आहे. टास्कदरम्यानचा सूरज चव्हाण आणि अंकिता वालावलकरचा प्रोमो नुकताच समोर आला आहे.

‘कलर्स मराठी’च्या सोशल मीडिया पेजवर सूरज चव्हाण व अंकिता वालावलकरचा प्रोमो शेअर करण्यात आला आहे. ज्यामध्ये पाण गेंडा ओळखताना सूरजला नाकीनऊ आल्याचं पाहायला मिळत आहे. यावेळी सर्व सदस्यांमध्ये एकच हशा पिकला असल्याचं दिसत आहे.

हेही वाचा – “तुझ्यासारखं व्यक्त होता येत नसलं तरी…”, प्रिया बापटच्या वाढदिवशी पती उमेशची खास पोस्ट; बायकोबद्दल म्हणाला…

प्रोमोमध्ये सुरुवातीला अंकिता पाण गेंड्याचा अभिनय करताना दिसत आहे. तेव्हा सूरज चव्हाण लगेच गेंडा असल्याचं ओळखतो आणि म्हणतो, “आणायला जाऊ का?” पण तो पूर्ण नाव घेत नसल्याचं संचालक अभिजीत सांगतो. मग अंकिता टाकीतून जात असलेल्या पाण्याला हात लावून सांगते. यावेळी पंढरीनाथ पाण गेंडा असल्याचं ओळखतो. पण सूरजला काहीच ओळखता येत नाही. तो म्हणतो, “अरे काहीच कळतं नाहीये.” यानंतर अंकिता अजून प्रयत्न करते. तेव्हा सूरज म्हणतो, “पोहतो? नाचतो? गेंडा ओळखला आहे. पण तो पाण्यातला गेंडा माहित नाही.” सूरज आणि अंकिताचा हा टास्क पाहून घरातील सदस्यांना हसू अनावर होतं.

हेही वाचा – ‘महाराष्ट्राची हास्यजत्रा’ निघाली अमेरिकेला! विमानतळावर एकत्र जमले कलाकार; ११ शहरांमध्ये होणार शो, जाणून घ्या…

हेही वाचा – ‘बिग बॉस’ने बंद केलं घरचं गॅस कनेक्शन! घरात सुरू झाला अनोखा टास्क अन् अरबाज-जान्हवीची झाली ‘अशी’ फजिती

‘हे’ सदस्य झाले नॉमिनेट

दरम्यान, या आठवड्यात अरबाज पटेल, निक्की तांबोळी, जान्हवी किल्लेकर, सूरज चव्हाण आणि वर्षा उसगांवकर हे सदस्य नॉमिनेट झाले आहेत. त्यामुळे आता आठव्या आठवड्यात कोण घराबाहेर होतंय? हे पाहणं महत्त्वाचं असणार आहे.