जान्हवी किल्लेकरचे ९५ किलो वजन होते; ४३ किलो कसे घटवले? म्हणाली, “मी चार ते पाच महिन्यांत…”

याबरोबरच, जान्हवी म्युझिक व्हिडीओ, विविध कार्यक्रमांतून प्रेक्षकांच्या भेटीला येत असते. ती सोशल मीडियावर मोठ्या प्रमाणात सक्रिय असते. तिच्या रील्स, विविध लूकमधील फोटो सोशल मीडियावर मोठ्या प्रमाणात व्हायरल होत असल्याचे पाहायला मिळते. नुकतेच तिने उद्योग जगतात पाऊल ठेवले आहे.

“जेव्हा आपण प्रेग्नंट असतो, त्यावेळी तूप…”

आता जान्हवी तिच्या कामामुळे नाही तर तिच्या वक्तव्यामुळे चर्चेत आली आहे. तिने नुकत्याच दिलेल्या मुलाखतीत वजन घटवण्याबद्दल वक्तव्य केले. ती काय म्हणाली, याबद्दल जाणून घेऊ…

जान्हवी किल्लेकरने नुकतीच सोनाली खरेच्या वॉव विथ सोनाली या यूट्यूब चॅनेलला मुलाखत दिली. या मुलाखतीत तिने प्रेग्नन्सीनंतर कसे वजन कमी केले याबद्दल सांगितले. ती सोनालीला म्हणाली, “जेव्हा आपण प्रेग्नंट असतो, त्यावेळी तूप आणि तुपापासून बनवलेले पदार्थ मोठ्या प्रमाणात खातो, कारण- ती बाळाची गरज असते. आपण त्या काळात जाड झालेले असतो. तेवढं फॅट कमी करणं सगळ्यात मोठा टास्क असतो.”

ती पुढे म्हणाली, “त्यात माझी नॉर्मल डिलिव्हरी झाली नाही. सी-सेक्शन झालं. प्रसूतीनंतर पाच-सहा महिने मी तुपाचे पदार्थ खाल्ले. पण, त्यानंतर मी विचार केला की आता स्वत:कडे लक्ष देणं ही काळाची आणि माझ्या फिल्डची गरज आहे. सुरुवात मी धावण्यापासून केली. त्यानेही काही होईना. कारण- फक्त धावण्यामुळे तुमचं इतकं फॅट जाऊ शकत नाही. योगा, पॉवर योगा, झुंबा, अॅरोबिक्स हे चांगले पर्याय आहेत. मी या सगळ्या गोष्टी एकत्र केल्या. सात दिवस वेगवेगळे व्यायाम प्रकार करायचे, त्यानंतर मी जीमही केली.”

डाएटबद्दल जान्हवी म्हणाली, “मी अजिबात गोड खात नाही. मला गुलाबजामुन, काजूकतली खूप आवडते. आपण एक गुलाबजामून खातो, पण त्याचा पश्चात्ताप मनात राहतो, त्यामुळे मी खात नाही. तुमच्या शरीराला या गोष्टींची सवय करण्यासाठी फक्त सहा महिने लागतात. पण, साखर बंद केल्यामुळे तुम्ही फिट राहता. साखर बंद केल्यानंतर तुमच्या चेहरा उजळतो.”

वजनाबद्दल जान्हवी किल्लेकर म्हणाली, “माझं वजन जवळजवळ ९५ किलो झालं होतं, ते ५२ किलो झालं. हा मोठा टास्क आहे. मी चार ते पाच महिन्यांत वजन कमी केलं. योगा आणि इतर प्रकारचे व्यायाम केले. डान्सनेसुद्धा चांगला व्यायाम होतो”, असे म्हणत जान्हवीने तिच्या फिटनेसबद्दल सांगितले.