Video: छातीवर गोंदवला गर्लफ्रेंडचा चेहरा! मराठमोळ्या अभिनेत्रीला बॉयफ्रेंडने दिलं खास सरप्राइज

करण कुंद्रा सध्या ‘लाफ्टर शेफ्स ३’ आणि ‘स्प्लिट्सव्हिला १६’ मध्ये दिसत आहे. पण तो या शोमुळे नाही तर त्याच्या टॅटूमुळे चर्चेत आला आहे. करण कुंद्राने त्याच्या टॅटूद्वारे त्याचे प्रेम सिद्ध करण्याचा प्रयत्न केला आहे. त्याने त्याच्या छातीवर गर्लफ्रेंड तेजस्वी प्रकाशच्या चेहऱ्याचा टॅटू गोंदवला आहे. करण कुंद्राचा एक व्हिडीओ सोशल मीडियावर व्हायरल होत आहे, ज्यामध्ये तो टॅटूची झलक दाखवताना दिसत आहे.

करण कुंद्राने एका रमजान सेलिब्रेशन इव्हेंटमध्ये त्याचा टॅटू दाखवला. पापाराझींशी बोलताना करण कुंद्राने गर्लफ्रेंड तेजस्वी प्रकाशचा चेहरा छातीवर गोंदवून घेतल्याचं सांगितलं. तसेच त्याने त्याचा टॅटू सर्वांना दाखवला. हा टॅटू दाखवताना करण कुंद्राच्या चेहऱ्यावरचा आनंद पाहण्यासारखा होता. अभिनेत्री तेजस्वी प्रकाशचा ‘सायको सैयां’ हा शो प्रेक्षकांच्या भेटीला येणार आहे. पण आपणच तिचा सायको सैयां असल्याचं करणने म्हटलं आहे. करण कुंद्राचा टॅटू पाहून चाहतेही आश्चर्यचकित झाले आहेत. करण कुंद्राचे अनेक व्हिडीओ समोर आले आहेत, ज्यामध्ये तो टॅटू दाखवताना दिसत आहे.

पाहा व्हिडीओ

दरम्यान, करणचा हा टॅटू पर्मनंट आहे की काही काळापुरता त्याने गोंदवून घेतला आहे, याबद्दल काही माहिती समोर आलेली नाही. त्याचा हा टॅटू तात्पुरता असावा, असा अंदाज अनेक नेटकऱ्यांनी व्यक्त केला आहे.

करण व तेजस्वी बिग बॉसपासून एकत्र

करण आणि तेजस्वीच्या प्रेमाची सुरुवात ‘बिग बॉस १५’ च्या घरामध्ये झाली होती. सुरुवातीला त्यांची मैत्री झाली आणि हळूहळू त्याचे रूपांतर प्रेमात झाले. शो संपल्यानंतर बिग बॉसमधील बरीच नाती संपतात, पण त्याउलट तेजस्वी व करणचं नातं अधिक घट्ट होत गेलं. गेल्या अनेक दिवसांपासून या दोघांच्या लग्नाच्या चर्चा रंगत आहेत. अनेकदा मुलाखतींमध्ये करणने तो लग्नासाठी तयार आहे, फक्त तेजस्वीच्या होकाराची वाट पाहत आहे, असं म्हटलंय.