कुटुंबातील एकोपा, एकमेकांविषयी वाटणारी काळजी, प्रेम यांमुळे घरात कायम आनंदाचे वातावरण असते. चित्रपट, मालिकांमधूनसुद्धा अशी काही कुटुंबं प्रेक्षकांच्या भेटीला येताना दिसतात. झी मराठी वाहिनीवर प्रदर्शित होणाऱ्या लाखात एक आमचा दादा (Lakhat Ek Aamcha Dada) या मालिकेतील सूर्याचे कुटुंबदेखील असेच काहीसे दिसते. जिथे सूर्या त्याच्या संपूर्ण कुटुंबाला सांभाळताना दिसतो. चार बहिणी, वडील व पत्नीला कोणत्याही संकटाला सामोरे जावे लागू नये यासाठी तो प्रयत्न करताना दिसतो. सूर्याचे जितके त्याच्या कुटुंबावर प्रेम आहे, तितकेच त्याच्या बहि‍णी, वडील व तुळजा या सर्वांचेही त्याच्यावर प्रेम आहे. आता हे कुटुंब एका स्पर्धेत सहभागी होणार आहे, जिथे सूर्या व डॅडी समोरासमोर येणार असल्याचे मालिकेच्या नवीन प्रोमोमध्ये पाहायला मिळत आहे.

लाखात एक आमचा दादा या मालिकेचा प्रोमो झी मराठी वाहिनीने सोशल मीडियावर शेअर केला आहे. या प्रोमोच्या सुरुवातीला गावात ‘सर्वोत्कृष्ट कुटुंब’ स्पर्धा होणार असल्याची घोषणा केली जाते. सूर्या एक माहितीपत्रक तुळजा व त्याच्या तीन बहि‍णींना दाखवत म्हणतो, “गावात ‘सर्वोत्कृष्ट कुटुंब’ स्पर्धा भरणार आहे हे बघा. जिंकण्यासाठी नाही, आनंद घेण्यासाठी खेळायचं आणि असंही आपलं कुटुंब भारी आहेच. घ्यायचा ना भाग?” दुसरीकडे डॅडी त्यांच्या घरातील सर्वांना सांगतात, “आपलं कुटुंब सर्वोत्कृष्ट कुटुंब ठरलं पाहिजे. निंबाळकर घराण्याच्या इज्जतीचा प्रश्न आहे. जिंकण्यासाठीच खेळायचं.” हा प्रोमो शेअर करताना झी मराठी वाहिनीने, ” ‘सर्वोत्कृष्ट कुटुंब’ स्पर्धेत कोण पटकावणार विजेत्याचा मान…?”, अशी कॅप्शन दिली आहे.

lakshmi niwas jayant real face reveal
आधी झुरळ खाल्लं, आता घडणार ‘असं’ काही…; जान्हवीसमोर येतंय जयंतचं वेगळंच रुप! नेटकरी म्हणाले, “हिंदी मालिकेची कॉपी…”
मुख्यमंत्रीपद नाही आणि महत्त्वाचं गृहखातंही नाही यामुळे शिंदेंच्या नाराजीत भरच पडली. (फोटो सौजन्य पीटीआय)
Maharashtra Politics : नाराज एकनाथ शिंदे भाजपासाठी अडचणीचे?
Sudesh Lehri
घर विकलं, चपला बनवल्या, भाजीपाला विकला अन्…; प्रसिद्ध अभिनेत्याने सांगितला कठीण काळ
Ramesh Deo
मुंबईतील ‘या’ रस्त्याला दिले दिवंगत अभिनेते रमेश देव यांचे नाव; अजिंक्य देव भावना व्यक्त करत म्हणाले, “त्यांनाही निश्चितच आनंद…”
tharla tar mag adwait kala enters in the show to help sayali in mehendi ceremony
लबाड प्रियासाठी शेणाची मेहंदी; ‘ठरलं तर मग’मध्ये येणार ‘हे’ दोन नवीन पाहुणे! सायलीला करणार ‘अशी’ मदत, पाहा प्रोमो
Aai Aani Baba Retire Hot Aahet
Video : भर लग्नमंडपातून स्वीटीचा भाऊ तिला घेऊन जाणार? पाहा ‘आई आणि बाबा रिटायर होत आहेत’ मालिकेचा नवा प्रोमो
Meera Jaggnath
ज्याच्यासाठी साखरपुडा मोडला तो मुलगाच…; ‘ठरलं तर मग’फेम मीरा जगन्नाथने केला खुलासा; म्हणाली, “सहा महिन्यांनी…”
zee marathi paaru serial purva shinde aka disha re enters in the show
‘ती’ पुन्हा आली! ‘पारू’ मालिकेत जुन्या खलनायिकेची रिएन्ट्री, लग्नमंडपात येणार अन्…; पाहा जबरदस्त प्रोमो

मालिकेत दाखविल्याप्रमाणे तुळजाचे वडील म्हणजेच डॅडी गावातील प्रतिष्ठित व्यक्तींपैकी एक आहेत. डॅडी गावातील लोकांसमोर चांगले वागण्याचे, लोकांना मदत करण्याचे नाटक करतात. ते सूर्याला प्रत्येक वेळी मदत करण्याचे नाटक करतात. परंतु, प्रत्यक्षात मात्र ते त्यांचे शोषण करतात. आता त्यांच्याकडे जी संपत्ती, जमीन आहे, ती खरे तर सूर्याची आहे; पण सूर्याला याबद्दल कोणतीही कल्पना नाही. सूर्याला डॅडी म्हणजे देवासमान वाटतात. तो त्यांच्या शब्दासाठी काहीही करायला तयार होतो. तुळजाला डॅडींच्या खऱ्या चेहऱ्याची, ते सूर्याची फसवणूक करतात, याबद्दल माहीत आहे. मात्र, पुरावे नसल्याने ती सूर्यासमोर काहीही सिद्ध करू शकत नाही.

आता ‘लाखात एक आमचा…’ मालिकेत, कोणते कुटुंब सर्वोत्कृष्ट ठरणार, हे पाहण्यासाठी प्रेक्षक उत्सुक आहेत.

Story img Loader