‘महाराष्ट्राची हास्यजत्रा’ फेम वनिता खरात २ फेब्रुवारीला बॉयफ्रेंड सुमित लोंढेसह विवाहबंधनात अडकली. वनिताच्या लग्नाला ‘महाराष्ट्राची हास्यजत्रा’ अनेक कलाकारांनी हजेरी लावली होती. वनिताच्या लग्नातील कलाकारांचे फोटो सोशल मीडियावर वेगाने व्हायरल झाले. कलाकार मंडळींनी वनिताच्या लग्नामध्ये अगदी धमाल मस्ती केली. आता या लग्नामध्ये हजेरी लावलेल्या अशाच एका अभिनेत्रीचा फोटो सोशल मीडियावर व्हायरल होत आहे. आणखी वाचा - Photos : ‘महाराष्ट्राची हास्यजत्रा’ फेम निखिल बने व स्नेहल शिदम रिलेशनशिपमध्ये? शेअर केलेल्या ‘त्या’ फोटोमुळे चर्चेला उधाण अभिनेत्री रसिका वेंगुर्लेकरने पती अनिरुद्ध शिंदेबरोबर वनिताच्या लग्नाला हजेरी लावली होती. यादरम्यानचा फोटो अनिरुद्धने सोशल मीडिया अकाऊंटद्वारे शेअर केला आहे. याचं कारणही तितकंच खास आहे. रसिका व अनिरुद्धचा आज लग्नाचा वाढदिवस आहे. याचनिमित्त रसिकाच्या पतीने तिच्यासाठी खास पोस्ट शेअर केली. अनिरुद्धने म्हटलं की, "तुझ्यासारखी बायको मला मिळाली हे मी माझं भाग्य समजतो. तू मला प्रत्येकवेळी मार्गदर्शन तसेच पाठिंबा देते ते फारच वेगळं आहे. लग्नाच्या वाढदिवसाच्या शुभेच्छा माऊ". अनिरुद्धने रसिकावर असणारं प्रेम अगदी खुलेपणाने व्यक्त केलं आहे. तसेच या दोघांवर सोशल मीडियाद्वारे शुभेच्छांचा वर्षाव होत आहे. आणखी वाचा - राखी सावंतने नवऱ्यावर केलेल्या आरोपांबाबत आदिल खानच्या वकिलांचा मोठा खुलासा, म्हणाले, “प्लॅन करुन…” अनिरुद्धने शेअर केलेला फोटोही तितकाच खास आहे. तो रसिकाला किस करताना दिसत आहे. अनिरुद्धही कलाक्षेत्रामध्ये कार्यरत आहे. तो एक दिग्दर्शक आहे. झी युवा वाहिनीवरील 'फ्रेशर' मालिकेचं दिग्दर्शन अनिरुद्धने केलं होतं. या मालिकेमध्ये रसिकाही महत्त्वाच्या भूमिकेमध्ये होती.
