‘आपके बाल अच्छे नही है’, रिजेक्शनचं विचित्र कारण! मंदार जाधवने सांगितल्या लक्षात राहणाऱ्या ‘त्या’ तीन ऑडिशन्स

मंदार जाधव म्हणाला, “मला माझ्या तीन ऑडिशन्स लक्षात आहेत. पहिली ऑडिशन मी ‘अलादिन’साठी दिली होती. ते लोक मला एका रूममध्ये घेऊन गेले आणि त्यांनी सांगितलं ‘अलादिन’ एका खोलीत बंद आहे आणि ती समोर एक खिडकी आहे…यात खिडकीतूनच तो बाहेर जाऊ शकतो. ही खिडकीच अलादिनला वाचवू शकते. मी डायलॉग वगैरे सगळं काही बोललो आणि शेवटी मी त्या खिडकीकडे उडी मारली…पण, तिथे खरी खिडकी नव्हती, प्लेन भिंत होती आणि खाली टेबल होता. त्या सीनमधला स्ट्रगल मी त्यांना करून दाखवला आणि ते टेबल सुद्धा मोडलं. मग त्यांनी मला स्वत:हून थांबायला सांगितलं आणि माझं त्या भूमिकेसाठी फायनल कास्टिंग झालं.”

“माझी दुसरी ऑडिशन एका हिंदी शोसाठी होती. मला त्यांनी ‘अमर अकबर अँथनी’मधला अमिताभ बच्चन यांचा एक सीन ऑडिशनसाठी दिला होता. मी घरी दोन दिवस त्या सीनचा सराव करत होतो. त्यासाठी मी खास बँडेज घेऊन सेटवर गेलो होतो कारण, ड्रंक सीनमध्ये ते बँडेज आरशाला लावतात असा तो प्रसंग मला रिक्रिएट करायचा होता. माझी ती ऑडिशन सुद्धा सर्वांना आवडली होती.”

“माझी तिसरी ऑडिशन होती श्री गुरुदेव दत्त मालिकेसाठी…दत्तगुरूंच्या भूमिकेसाठी माझी ऑडिशन होती आणि त्याआधी मला पौराणिक, ऐतिहासिक मालिकेत काम करण्याचा अनुभव होता. त्यावेळची एक गोष्ट मला चांगली लक्षात आहे ती म्हणजे, ऑडिशन झाल्यावर मला दीपक सरांनी शर्ट काढायला सांगितलं होतं…ते म्हणाले, ऑडिशन छान झालीये फक्त मला शर्ट काढून दाखव. त्यांना माझं फिजिक पाहायचं होतं…कारण, त्या भूमिकेसाठी विशिष्ट फिजिक असणं महत्त्वाचं होतं. आता तेव्हा मला फार ऑकवर्ड झालं होतं. पण, नंतर मला समजलं की, त्यांनी मला का असं सांगितलं. कारण, भूमिकेसाठी माझीच निवड झाली.” असं मंदारने सांगितलं.

आयुष्यात कधी कोणी रिजेक्शनचं न पटणारं कारण दिलं होतं का? यावर मंदार म्हणाला, “आपके बाल अच्छे नही है! मला हे कारण फार विचित्र वाटलं कारण, शूटिंग सुरू झाल्यावर हेअरकट केला असता, हेअर सेट केले असते. पण, या सगळ्यातून मी फार गोष्टी शिकलो. लोक म्हणाले…तुम्ही बारीक आहात, मग मी माझ्या फिटनेसवर लक्ष दिलं. एका कास्टिंग दिग्दर्शकाने मला सांगितलं होतं की, तू स्वत:चे केस बघ…तुझी बोलण्याची शैली बघ. तेव्हा मला त्याचा राग आलेला पण, नंतर मला समजलं की, त्यात माझाच फायदाच आहे. माझे केस, कपडे एकंदर ग्रूमिंग व्यवस्थित पाहिजे याची मला जाणीव झाली. या सगळ्या अनुभवातून मी खूप शिकलो आहे.”