Video: टुमदार घर, बाजूला हिरवंगार शेत…; ‘बिग बॉस मराठी’ फेम विकास पाटीलने दाखवली गावाकडील शेतीवाडीची झलक

विकास पाटीलने काही महिन्यांपूर्वी त्याच्या कोल्हापुरातील गावी नवं घर बांधलं आहे. त्याच्या सोशल मीडिया अकाऊंटवरून गावाकडील घराच्या वास्तुपूजेचे फोटो त्याने शेअर केले होते. तर आता त्याने या घरातील गच्चीवरून त्यांची शेतीही दाखवली आहे.

आणखी वाचा : “आयुष्य जगल्याचा अनुभव…”, प्रसिद्ध अभिनेत्याने मानले स्वामी समर्थांचे आभार, पोस्ट चर्चेत

विकास नेहमीच सोशल मीडियावर सक्रिय राहून त्याच्या कामाबरोबरच त्याच्या वैयक्तिक आयुष्यातील अपडेट्स त्याच्या चाहत्यांशी शेअर करत असतो. नुकताच त्याने त्याच्या सोशल मीडिया अकाउंटवरून एक व्हिडीओ पोस्ट केला. या व्हिडीओमध्ये त्याने घरातील गच्चीवर उभं राहून त्यांच्या घराच्या बाजूला असलेलं त्यांचं हिरवंगार शेत दाखवलं. हा व्हिडीओमध्ये त्याचे वडील शेतात काम करताना दिसत आहेत, तर त्याची आई गच्चीत काम करताना दिसत आहे. हा व्हिडीओ शेअर करत त्याने लिहिलं, “खो गयए हम कहां… माझं गाव, माझं शेत, माझं घर… जगात भारी…कोल्हापुरी! आई-बाबा त्यांच्या कामात गर्क आणि मी माझ्या.”

हेही वाचा : एका हातात छत्री, दुसऱ्या हातात भाजी…; शहरापासून दूर जाऊन मराठमोळी अभिनेत्री रमली स्वत:च्या शेतात

त्याने शेअर केलेला हा व्हिडीओ आता त्याच्या चाहत्यांना खूप आवडला असून त्याचं हे शेत आणि हे घर खूप सुंदर आहे, अशा प्रतिक्रिया नेटकरी देत आहेत.