‘प्रेमाची गोष्ट’ फेम लोकप्रिय अभिनेत्री आई होणार! लग्नानंतर २ वर्षांनी दिली गुडन्यूज, बेबी बंप फ्लॉन्ट करत शेअर केला खास व्हिडीओ

स्वरदा व तिचा पती समुद्रकिनाऱ्यावर फेरफटका मारत असल्याचं या व्हिडीओमध्ये सुरुवातीला पाहायला मिळत आहे. यानंतर अभिनेत्री बेबी बंप फ्लॉन्ट करत ती प्रेग्नंट असल्याची गुडन्यूज सर्वांना देते. स्वरदाने या व्हिडीओच्या कॅप्शनमध्ये ‘Baby Coming Soon…’ असं म्हटलं आहे.

स्वरदाने शेअर केलेल्या व्हिडीओवर मधुरा देशपांडे, समृद्धी केळकर, पूजा बिरारी, अपूर्वा नेमळेकर, राज हंचनाळे, ऋतुजा बागवे, तितीक्षा तावडे, दीपा परब, प्रियांका तेंडोलकर अशा असंख्य कलाकारांनी कौतुकाचा वर्षाव केला आहे. तसेच आयुष्यातील या नव्या प्रवासासाठी स्वरदाला सर्वांनी भरभरून शुभेच्छा सुद्धा दिल्या आहेत.

स्वरदा ठिगळेच्या वर्कफ्रंटबद्दल सांगायचं झालं तर, २०१३ मध्ये प्रसारित होणाऱ्या ‘माझे मन तुझे झाले’ या मालिकेमुळे ती प्रसिद्धीझोतात आली. २०१७ मध्ये तिने हिंदी मालिकेत काम केलं होतं. याशिवाय ‘स्वराज्य सौदामिनी ताराराणी’ या मालिकेत स्वरदा प्रमुख भूमिकेत झळकली होती. ‘प्रेमाची गोष्ट’ या मालिकेमुळे सुद्धा स्वरदाला तुफान लोकप्रियता मिळाली.

‘प्रेमाची गोष्ट’ या मालिकेने छोट्या पडद्यावर जवळपास दोन वर्षे अधिराज्य गाजवलं. सुरुवातीला या मालिकेत प्रसिद्ध अभिनेत्री तेजश्री प्रधान मुख्य भूमिकेत झळकली होती. मात्र, तेजश्रीने ही मालिका सोडल्यावर मुक्ताच्या भूमिकेसाठी स्वरदाची वर्णी लागली. स्वरदाला सुद्धा प्रेक्षकांचं भरभरून प्रेम मिळालं. जुलै २०२५ मध्ये या मालिकेने प्रेक्षकांचा निरोप घेतला होता.

‘प्रेमाची गोष्ट’ मालिका संपल्यावर स्वरदा कलाविश्वात फारशी सक्रिय नव्हती. आता अभिनेत्रीने गरोदर असल्याची खास बातमी शेअर करत सर्व चाहत्यांना सुखद धक्का दिला आहे.