Video : “आपसे बायबल के बारें में…”, मराठी अभिनेत्रीने सांगितला धक्कादायक प्रसंग; व्हिडीओ शेअर करत म्हणाली, “माझं चुकलं…”

स्वातीने आपल्या इन्स्टाग्रामवर एक व्हिडीओ शेअर केला आहे. यात ती म्हणते, “मला एक गोष्ट सांगायची आहे. लहानपणी आपण शाळेत ऐकलं होतं, भारत माझा देश आहे आणि सारे भारतीय माझे बांधव आहेत. खरोखरच आपला देश असा आहे की, या देशात अनेक धर्म, जात आणि पंथाचे लोक राहतात. अगदी गुण्यागोविंदाने, एकत्र आणि प्रेमाने राहतात. पण असं आपल्याला वाटत होतं. आता बऱ्याच गोष्टी बदलायला लागल्या आहेत. टीव्हीवरील बातम्या, अनेक प्रसार माध्यमांमधून बऱ्याच गोष्टी कानावर येत असतात. वाईट कर्म करणारे लोक आपल्या आजूबाजूला आहेत, हे आपल्याला दिसत असतं. परंतु, या गोष्टी दुसरीकडे घडत असतात; त्यामुळे त्याची झळ आपल्यापर्यंत पोहोचत नाही. पण माझ्याबरोबर एक घटना घडली.”

यापुढे अभिनेत्री तिच्याबरोबरचा प्रसंग सांगताना म्हणते, “मी बोरिवली पश्चिम इथे बाजारात गेले होते. बोरिवली पश्चिमला इंद्रप्रस्थ आणि मोक्ष प्लाझा हा अत्यंत गजबटजाट असलेला परिसर आहे. तिथे गेल्यानंतर बाजारात शॉपिंग करत असताना तिथे एक बाई मला भेटायला आली आणि ती मला म्हणाली “मॅम मला तुमच्याशी बोलायचं आहे.” अर्थात तिने हे हिंदीत विचारलं. त्यावर मी तिला “क्या?” असं म्हटलं. तर ती म्हणाली, “आपसे बायबल के बारें में बात करनी थी. क्या आप बायबल के बारें में जानना चाहोगे… मुझे आपसे बात करनी है.” त्यावर मी तिला “मुझे आपसे कुछ बात नही करनी. धन्यवाद” असं म्हटलं आणि मी तिथून निघून आले. तेव्हा माझ्याबरोबर काहीतरी वेगळंच घडलं असं माझ्या लक्षात आलं. त्या बाईने मलाच का विचारलं असेल? ती महाराष्ट्रीय नाही हे मला तिच्या चेहऱ्यावरूनच दिसत होतं. दिसायला चांगली आणि २८ ते ३० या वयोगटातली ती मुलगी होती. खांद्यावर एक पर्स असलेली आपल्यासारखीच सामान्य मुलगी होती. जास्त संवाद नं करणं हे किती गरजेचं आहे, हे यानिमित्ताने माझ्या लक्षात आलं. मी तिथून बाजूला गेले. माझ्या डोक्यात सतत हा विचार येत होता की, ही बाई मध्येच आपल्याशी बायबलबद्दल का बोलेल? म्हणून मी थोडं पुढे गेल्यानंतर जरा मागे वळून पाहिलं तर ती माझ्याभोवतीच घिरट्या घालत होती. तेव्हा मी तिच्याकडे रागाने बघितलं आणि मी रस्ता ओलांडला.”

त्यानंतर स्वाती सांगते, “पुढे मोक्ष प्लाझाच्या दिशेने जाऊन चोरून बघत होते. तर ती बाई तेवढ्या भागात फिरत होती आणि ती काही बायकांना गाठून त्यांच्याशी बोलत होती. बऱ्याच वेळाने ती एका दुसऱ्या मुलीला भेटली. ती मुलगीसुद्धा अशीच सर्वांना भेटून येत होती. दोघी एकमेकींशी काहीतरी बोलल्या. कानात कुजबुजल्या. दोघी अत्यंत संशयित होत्या. माझं चुकलं की, मी त्याचा व्हिडीओ शूट केला नाही. माझ्या लक्षात आलं की, हे काहीतरी वेगळंच प्रकरण आहे.”

View this post on Instagram

A post shared by Swati Deval (@swati.deval)

या व्हिडीओच्या कॅप्शनमध्ये स्वातीने लिहिलं आहे की, “जय महाराष्ट्र. सावधान. काळजी घ्या. फसू नका. अशा लोकांशी बोलू नका. तुम्ही तुमच्या मतांशी, विचारांशी, हिंदुत्वाशी, तुमच्या पंथ, जातीशी एकनिष्ठ रहा… काळजी घ्या आणि हो मंडळी तुम्ही आपले आहात म्हणून सांगितले. जय भवानी, जय शिवाजी. भारत माता की जय…”