Premium

Video: नवरा असावा तर असा! ‘तुला शिकवीन चांगलाच धडा’तील ‘अधिपती’च्या वागण्यावर भारावले प्रेक्षक, जाणून घ्या कारण

नुकताच या मालिकेत अक्षरा आणि अधिपती यांचा राजेशाही विवाह सोहळा संपन्न झाला.

hrishikesh shelar

‘तुला शिकवीन चांगलाच धडा’ ही छोट्या पडद्यावरील लोकप्रिय मालिकांपैकी एक आहे. अल्पावधीतच या मालिकेने प्रेक्षकांची मनं जिंकली. या मालिकेची कथा कलाकारांचा अभिनय आणि या मालिकेत दाखवले जाणारे ट्विस्ट अँड टर्न्स प्रेक्षकांना चांगलेच आवडत आहेत. तर आता अधिपतीवर प्रेक्षक फारच खुश झाले आहेत.

या बातमीसह सर्व प्रीमियम कंटेंट वाचण्यासाठी साइन-इन करा

या मालिकेत अक्षरा ही भूमिका शिवानी रांगोळे साकारत आहे तर अधिपतीच्या भूमिकेत ऋषिकेश शेलार दिसत आहे. नुकताच या मालिकेत अक्षरा आणि अधिपती यांचा राजेशाही विवाह सोहळा संपन्न झाला. पण हा विवाह सोहळा झाल्यावर अधिपतीने दाखवलेल्या समजूतदारपणाचं सर्वजण कौतुक करत आहेत.

आणखी वाचा : ‘तुला शिकवीन चांगलाच धडा’मधून ब्रेक घेऊन भुवनेश्वरी गेली अमेरिकेला, मालिकेत करारी भूमिकेत दिसणाऱ्या कविता मेढेकरांचा ग्लॅमरस अंदाज पाहिलात का?

या मालिकेतील एक व्हिडीओ नुकताच वाहिनीने त्यांच्या सोशल मीडिया अकाउंटवर पोस्ट केला. यामध्ये अक्षरा-अधिपती यांचं लग्न झाल्यावर अक्षराची पाठवणी होताना दिसत आहे. अक्षरा आणि तिचे कुटुंबीय खूप भावूक झालेले दिसत आहेत. तर त्यांच्या डोळ्यात आलेले अश्रू पाहून अधिपतीही भावूक झालेला दिसत आहे. अक्षराच्या वडिलांची समजूत काढताना अधिपती म्हणतो की, “तुमच्या मुलीचं लग्न झालं असलं तरीही आता तुमच्या कुटुंबात एक नवीन सदस्य सामील झाला आहे. जावई कमी आणि मुलगा जास्त.”

https://fb.watch/nudV0KtQXx/?mibextid=Nif5oz

हेही वाचा : कविता मेढेकरांनी उघड केलं त्यांचं फिटनेस सिक्रेट, म्हणाल्या, “याचं उत्तर एकच आहे की…”

तर आता या व्हिडिओवर कमेंट करत नेटकरी अधिपतीच्या वागण्याचं कौतुक करत आहेत. एकाने लिहिलं, “अधिपती एक वाक्य खूप छान बोलला, एक मेम्बर अजून ऍड झालाय तुमच्यात, खरेच असा विचार प्रत्येक जावयाने करावा.” तर दुसऱ्याने लिहिलं, “बायकोच्या डोळ्यात अश्रू पाहून रडणारा तू एकमेव मुलगा.” तर तिसरा नेटकरी म्हणाला, “अधिपती तुझ्यासारखा समजूतदार मुलगा, जावई, नवरा, सर्वांना मिळो.” त्यामुळे आता सर्वजण अधिपतीच्या वागण्यावर फारच खुश झाले आहेत.

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Netizens praise tula shikvin changlach dhada fame adhipati for his understanding nature rnv

First published on: 05-10-2023 at 16:57 IST
Next Story
Bigg Boss 17: ‘बिग बॉस’च्या नव्या पर्वात झळकणार १२ सेलिब्रिटी, अंकिता लोखंडेसह ‘ही’ नावं आली समोर