बॉलिवूड सेलिब्रिटीजच्या लग्नाची चांगलीच चर्चा होते, त्यांच्या लग्नातील जेवणाच्या मेनूपासून त्यांनी घातलेले कपडे सगळ्या गोष्टी लोकं फॉलो करतात. विकी-कतरिना, अली-रिचा यांच्या लग्नाबरोबरच सर्वात जास्त चर्चा झाली ती रणबीर-आलिया यांच्या लग्नाची. आता रणबीर-आलियाचा हा लग्नसोहळा पुन्हा छोट्या पडद्यावर अनुभवता येणार आहे.

‘झलक दिखला जा १०’ च्या सेटवर एका स्पर्धकाने आलिया-रणबीरचा लग्नसोहळा स्टेजवर सादर केला आणि त्यामुळे तो प्रेक्षकांना पुन्हा अनुभवता आला आहे. या कार्यक्रमातील स्पर्धक नीती टेलरने तिच्या कोरिओग्राफरबरोबर हा डान्स परफॉर्मन्स बसवला आहे. गुरुवारी शेअर केलेल्या प्रोमोमध्ये हा नवा भाग ‘कपूर स्पेशल’ असून यामध्ये नितू सिंग यांनी हजेरी लावली आहे.

loksatta analysis report on status of leopards in india
विश्लेषण : बिबटे वाढलेत… शेतात, गावच्या वेशीवर आणि सिमेंटच्या जंगलातही!
baramati mp supriya sule talk regarding anonymous letter on social media
निनावी पत्राबाबत माहिती नाही! सुप्रिया सुळे यांचे स्पष्टीकरण
shubhangi galande bold decision of pregnancy happy single mother
मला आई व्हायचंय… म्हणणाऱ्या शुभांगी गलांडेच्या ‘या’ धाडसी निर्णयाचे सोशल मीडियावर कौतुक; पाहा…
UK First Lady Akshata Murty visits Bengaluru book market with Narayana Murthy Video Viral
“याला म्हणतात साधेपणा!” ब्रिटीश पंतप्रधानांच्या पत्नी असूनही रस्त्यावर पुस्तक खरेदी करताना दिसल्या अक्षता मूर्ती, Video Viral

आणखी वाचा : एअरपोर्ट लूकमुळे अंकिता लोखंडे ट्रोल, नेटकरी म्हणाले “कंगना…”

यावेळी या भागात नीती आणि कोरिओग्राफर आकाश थापा यांनी खास आलिया आणि रणबीरची प्रेमकहाणी उलगडून दाखवणारा एक डान्स सादर केला आणि याचा शेवट त्यांच्या लग्नाच्या सोहळ्याने झाला. आपल्या मुलाची प्रेमकहाणी हुबहुब डोळ्यासमोर उलगडत असताना नीतू कपूर फारच भावुक झाल्या आणि त्यांनी स्पर्धकांचे आणि परीक्षक करण जोहर, माधुरी दीक्षित आणि नोरा फतेही यांचे मनापासून आभार मानले.

याबरोबरच सगळ्यांनी रणबीर – आलियासाठी खास ‘नाच पंजाबन’ या गाण्यावर ठेकाही धरला. या कार्यक्रमाची परीक्षक आणि अभिनेत्री माधुरी दीक्षित हिनेदेखील नीतू सिंग यांना रणबीर-आलियासाठी खास बाळकृष्णाची मूर्ती भेट दिली आणि त्यांच्या वैवाहिक जीवनासाठी खूप साऱ्या शुभेच्छाही दिल्या. या भागात नीतू सिंग यांनी बऱ्याच गप्पा मारल्या आणि किस्से सांगितले. येत्या वीकेंडमध्ये या भाग कलर्स टेलिव्हिजनवर प्रसारित होणार आहे.