रेश्मानंतर ‘रंग माझा वेगळा’ मालिकेच्या टीमने शिवानी-अंबरचं थाटामाटात केलं केळवण! कलाकारांनी शेअर केले Inside व्हिडीओ

आता रेश्मानंतर ‘रंग माझा वेगळा’च्या ( Rang Maza Vegla ) टीमने अंबर गणपुळेच्या केळवणासाठी जय्यत तयारी केल्याचं पाहायला मिळत आहे. मालिकेच्या टीमने या अंबर-शिवानी जोडप्याचं केळवण एका हॉटेलमध्ये केलं. यासाठी संपूर्ण फुलांची सजावट करण्यात आली होती. याशिवाय केळीच्या पानावर ‘शिवानी-अंबरचं केळवण’ असं लिहिण्यात आलं होतं.

हेही वाचा : Video: लग्नानंतरची पहिली मकरसंक्रांत साजरी करण्यासाठी पूजा सावंत लागली तयारीला, व्हिडीओ शेअर करत म्हणाली, “वेध…”

शिवानी आणि अंबरचा साखरपुडा गेल्यावर्षी गुढीपाडव्याच्या मुहूर्तावर पार पडला होता. यानंतर ही जोडी विवाहबंधनात केव्हा अडकणार याची चाहते आतुरतेने वाट पाहत होते. केळवण पार पडल्यावर आता दोघांच्या घरी लग्नाआधीच्या विधींना सुरुवात होऊन लवकरच ही जोडी विवाहबंधनात अडकणार आहे.

‘रंग माझा वेगळा’ मालिकेच्या टीमने अंबर-शिवानीच्या केळवणात धमाल केल्याचं पाहायला मिळत आहे. याचे अनेक Inside व्हिडीओ सध्या सोशल मीडियावर व्हायरल होत आहेत. शिवानी व अंबर यांच्या केळवणाला, रेश्मा शिंदे, विदिषा म्हसकर, शाल्मली टोळ्ये, आशुतोष गोखले, हर्षदा खानविलकर, तनिषा विषे, पूर्णिमा तळवलकर असे मालिकेतील सगळे कलाकार उपस्थित होते.

याशिवाय ‘घरोघरी मातीच्या चुली’ फेम अभिनेता सुमीत पुसावळे व त्याची पत्नी मोनिका यांनी देखील अंबर-शिवानीचं केळवण केल्याचे फोटो व व्हिडीओ सोशल मीडियावर शेअर केले आहेत. तसेच यांच्या लग्नसोहळ्यात दोघांच्या नावाची फोड करुन ‘Ambani’ हा खास हॅशटॅग वापरण्यात येत आहे.

हेही वाचा : कार्तिकी गायकवाडच्या भावाचं लग्न ठरलं! होणार्‍या पत्नीसह शेअर केला पहिला फोटो, कौस्तुभने गायली आहेत ‘ही’ लोकप्रिय गाणी

हेही वाचा : मर्सिडीज खरेदी करुन रुपाली भोसलेने नेटकऱ्याची केली बोलती बंद! गाडीवरून ट्रोल करणाऱ्याला ७ आठवड्यांपूर्वीच दिलेलं उत्तर

दरम्यान, अंबर-शिवानीच्या कामाबद्दल सांगायचं झालं, तर अंबरने आतापर्यंत ‘रंग माझा वेगळा’ (Rang Maza Vegla ), ‘कलर्स मराठी’ची मालिका ‘दुर्वा’ यामध्ये महत्त्वाच्या भूमिका साकारल्या आहेत. तर, शिवानी ‘राजा राणीची गं जोडी’ आणि ‘तू भेटशी नव्याने’ अशा मालिकांमध्ये झळकली आहे. आता लवकरच शिवानी आणि अंबर यांचा विवाहसोहळा पार पडणार आहे.