‘सावळ्याची जणू सावली’ फेम अभिनेत्रीने सुरू केला ‘हा’ बिझनेस! सहकलाकारांच्या खास प्रतिक्रिया, म्हणाले, “खूप अभिमान…”

‘सावळ्याची जणू सावली’ या मालिकेत भैरवीच्या मुलीची म्हणजेच ‘तारा’ ही भूमिका साकारणाऱ्या अभिनेत्री भाग्यश्री दळवीने आपल्या बहिणीच्या साथीने कुकीजचा बिझनेस सुरू केला आहे. यानिमित्ताने खवय्यांना घरगुती कुकीजचा आस्वाद घेणार आहे.

भाग्यश्री ही पोस्ट शेअर करत लिहिते, “आता आमच्या कुकीज तुमच्यापर्यंत पोहोचणार आहेत… या कुकीज आम्ही अगदी मनापासून बनवतोय. लहानातील लहान प्रत्येक व्यवसाय सुरू करण्यामागे एक कथा असते… आमच्या या नव्या प्रवासाचा एक भाग होऊन कायम आम्हाला सपोर्ट करा.”

भाग्यश्रीने शेअर केलेल्या पोस्टवर सावलीची मुख्य भूमिका साकारणाऱ्या अभिनेत्री प्राप्ती रेडकरने खास कमेंट केली आहे. ती म्हणाली, “तुम्हा बहिणींचा आम्हाला प्रचंड अभिमान आहे. फायनली तुम्ही या बिझनेसची सुरुवात केलीये”, अभिनेत्री मेघा धाडे सांगते, “वॉव आमचे आवडते कुकीज आता सर्वांना खायला मिळतील.” याशिवाय अन्य नेटकऱ्यांनी सुद्धा भाग्यश्री व तिच्या बहिणीला या नव्या व्यवसायासाठी शुभेच्छा दिल्या आहेत.

दरम्यान, ‘सावळ्याची जणू सावली’ या मालिकेत भाग्यश्री दळवीसह प्राप्ती रेडकर, साईंकित कामत, सुलेखा तळवलकर, वीणा जगताप या कलाकारांच्या महत्त्वपूर्ण भूमिका आहेत. ही मालिका रोज सायंकाळी साडेसहा वाजता झी मराठीवर प्रसारित केली जाते.