अलीकडच्या काळात बरेच लोकप्रिय कलाकार छोट्या पडद्याकडे वळत असल्याचं पाहायला मिळत आहे. श्रेयस तळपदे, प्रार्थना बेहेरे, स्वप्नील जोशी, शिल्पा तुळसकर, सुबोध भावे, संतोष जुवेकर, स्पृहा जोशी असे एकामागून एक लोकप्रिय कलाकार मालिका विश्वात एन्ट्री घेत असल्याचं गेल्या काही वर्षांत पाहायला मिळालं. आता लवकरच मराठी कलाविश्वातील लोकप्रिय अभिनेत्री व निर्माती म्हणून ओळखली जाणारी शर्मिष्ठा राऊत ‘स्टार प्रवाह’च्या प्रसिद्ध मालिकेत पुन्हा एकदा एन्ट्री घेणार आहे.

सध्याच्या घडीला ‘स्टार प्रवाह’ वाहिनीवरील सगळ्याच मालिकांमध्ये टीआरपीसाठी चढाओढ चालू आहे. ‘अबोली’ ही मालिका दररोज रात्री १०:३० वाजता वाहिनीवर प्रसारित केली जाते. ही मालिका २०२१ पासून प्रेक्षकांच्या भेटीला येत आहे. अभिनेता सचित पाटील व अभिनेत्री गौरी कुलकर्णी यांनी ‘अबोली’ मालिकेत महत्त्वाची भूमिका साकारली आहे. मालिका सुरू झाल्यावर यामध्ये अभिनेत्री शर्मिष्ठा राऊतने नीता सुर्वे हे पात्र साकारलं होतं. मात्र, शर्मिष्ठा राऊतने निर्माती होण्याचा निर्णय घेतल्यावर डिसेंबर २०२२ मध्ये ‘अबोली’ मालिका सोडली होती आणि ‘झी मराठी’वर ‘तुला शिकवीन चांगलाच धडा’ ही मालिका सुरू केली. यानंतर मालिकेत मीनाक्षी राठोडची वर्णी लागली होती.

aashay kulkarni exit from muramba serial
काजल काटे, स्मिता शेवाळेनंतर आणखी एका अभिनेत्याची ‘मुरांबा’ मालिकेतून एक्झिट; म्हणाला, “प्रेक्षकहो…”
marathi actor Abhijeet Shwetchandra exit form shubhvivah marathi serial
‘शुभविवाह’ मालिकेतून अचानक ‘या’ अभिनेत्याची एक्झिट, आता ‘लग्नाची बेडी’ फेम अभिनेता झळकला ‘या’ भूमिकेत
Aishwarya and Avinash Narkar son amey girlfriend play role in zee marathi lakhat ek amcha dada serial
ऐश्वर्या-अविनाश नारकरांच्या मुलाच्या गर्लफ्रेंडला पाहिलंत का? ‘झी मराठी’च्या नव्या मालिकेत झळकणार
Tharla tar mag fame Priyanka Tendolkar likes this actor said he is a crush
‘ठरलं तर मग’ फेम प्रियांका तेंडोलकरला आवडतो ‘हा’ अभिनेता, म्हणाली, “तो पळून…”
tharala tar mag topped in trp list shivani surve new serial got second place
शिवानी सुर्वेचं जोरदार पुनरागमन! TRP मध्ये घेतली मोठी झेप, पहिल्याच आठवड्यात गाठलं ‘हे’ स्थान, पाहा संपूर्ण यादी
Did you ever notice this mistake in Navra Mazha Navsacha movie
Video: ‘नवरा माझा नवसाचा’ चित्रपटातील ‘ही’ चूक कधी तुम्हाला लक्षात आली का? व्हिडिओ होतोय व्हायरल
Marathi Actors Aashay Kulkarni will entry in spruha joshi sukh kalale serial
Video: ‘मुरांबा’ मालिकेत झळकलेल्या ‘या’ अभिनेत्याची स्पृहा जोशीच्या ‘सुख कळले’मध्ये जबरदस्त एन्ट्री! पाहा प्रोमो
marathi serial trp list
TRPच्या शर्यतीत टॉप ५ मध्ये असणारी मालिका घेणार प्रेक्षकांचा निरोप! ‘ठरलं तर मग’ पुन्हा अव्वल, तर दुसऱ्या स्थानी…

हेही वाचा : Video : शशांक केतकरच्या तक्रारीनंतर एका रात्रीत BMCची कारवाई, आभार मानत म्हणाला, “फक्त तोच भाग नाही, अख्खी मुंबई…”

मीनाक्षीने काही दिवसांपूर्वीच सोशल मीडिया पोस्ट शेअर करत आता या व्यक्तिरेखेचा निरोप घेत असल्याचं स्पष्ट केलं होतं. त्यामुळे पुन्हा एकदा शर्मिष्ठा राऊतची मालिकेत एन्ट्री घेतली आहे. मालिकेचा नवीन प्रोमो नुकताच प्रेक्षकांच्या भेटीला आला. यामध्ये शर्मिष्ठा राऊतची झलक स्पष्टपणे पाहायला मिळत आहे.

हेही वाचा : TRPच्या शर्यतीत टॉप ५ मध्ये असणारी मालिका घेणार प्रेक्षकांचा निरोप! ‘ठरलं तर मग’ पुन्हा अव्वल, तर दुसऱ्या स्थानी…

दरम्यान, ‘अबोली’ मालिका टीआरपीच्या शर्यतीत आठव्या स्थानावर आहे. ही मालिका रात्री उशिरा प्रसारित होत असूनही सध्या प्रेक्षकांकडून मालिकेला चांगला प्रतिसाद मिळत आहे. याशिवाय अभिनेत्री शर्मिष्ठा राऊतबद्दल सांगायचं झालं, तर ‘झी मराठी’ वाहिनीवर सध्या चालू असणाऱ्या ‘तुला शिकवीन चांगलाच धडा’ आणि ‘नवरी मिळे हिटलरला’ या दोन्ही मालिकांची निर्मिती शर्मिष्ठा व तिच्या नवऱ्याने मिळून केली आहे. याशिवाय बहुचर्चित ‘नाच गं घुमा’ चित्रपटाच्या निर्मितीची जबाबादारी सुद्धा शर्मिष्ठाने यशस्वीपणे हाताळली होती. सध्या प्रेक्षक शर्मिष्ठाला पुन्हा एकदा छोट्या पडद्यावर पाहता येणार याबद्दल आनंद व्यक्त करत आहेत.