प्रथमेश लघाटे हा आजच्या तरुण पिढीतील आघाडीच्या गायकांपैकी एक आहे. आज त्याचा वाढदिवस. ‘सा रे ग म प लिटिल चॅम्प्स’पासून प्रेक्षक त्याला बघत आले आहेत. त्याच्या गायनाचं नेहमीच भरभरून कौतुक होत असतं. गायनाबरोबरच तो शिक्षणातही पुढे आहे. काही दिवसांपूर्वीच त्याने त्याचं शिक्षण किती झालं आहे याचा खुलासा केला होता.
प्रथमेश लघाटे आणि मुग्धा वैशंपायन यांनी त्यांच्या नात्याबद्दल खुलासा केल्यानंतर त्यांच्याबद्दल चाहत्यांना अनेक प्रश्न पडले होते. मध्यंतरी त्या सगळ्या प्रश्नांची उत्तरं देण्यासाठी त्यांनी मिळून त्यांचा एक व्हिडीओ यू ट्यूबवर पोस्ट केला. त्यात प्रथमेशने त्याचं शिक्षण किती झालं आहे? हेही सांगितलं.
तो म्हणाला, “मी मुंबई विद्यापीठातून मराठी साहित्य आणि इतिहास या विषयांमध्ये पदवी मिळवली आहे. याचबरोबर त्यानंतर पुण्याच्या भारती विद्यापीठातून MA in Music मी पूर्ण केलं आहे.” प्रथमेशच्या शिक्षणाबद्दल कळल्यानंतर त्याच्या चाहत्यांनी त्याचं खूप कौतुक केलं.
हेही वाचा : प्रथमेश लघाटेने कमी केलं १४ किलो वजन, सिक्रेट शेअर करत म्हणाला, “मी रोज…”
तर आज त्याच्या वाढदिवसानिमित्त सर्वत्र त्याच्यावर शुभेच्छांचा वर्षाव होत आहे. तर मुग्धानेही प्रथमेशबरोबरचा एक फोटो शेअर करत त्याला वाढदिवसाच्या खास शुभेच्छा दिल्या आहेत.
