scorecardresearch

“…तर शिझान आत्महत्या करू शकतो” तुनिषा शर्मा प्रकरणाबाबत अभिनेत्याच्या वकिलाचं मोठं वक्तव्य

अभिनेत्री तुनिषा शर्माच्या आत्महत्येनंतर शिझान खानच्या वकिलांचं वक्तव्य, शिझानच्या मानसिक आरोग्याबाबत केलं भाष्य

“…तर शिझान आत्महत्या करू शकतो” तुनिषा शर्मा प्रकरणाबाबत अभिनेत्याच्या वकिलाचं मोठं वक्तव्य
अभिनेत्री तुनिषा शर्माच्या आत्महत्येनंतर शिझान खानच्या वकिलांचं वक्तव्य, शिझानच्या मानसिक आरोग्याबाबत केलं भाष्य

अभिनेत्री तुनिषा शर्माच्या आत्महत्येला एक आठवडा उलटून गेला आहे. तुनिषाने २४ डिसेंबरला मालिकेच्या चित्रीकरणादरम्यान सेटवरच मेकअप रुममध्ये गळफास घेत आत्महत्या केली. तुनिषाच्या आत्महत्येस तिचा सहकलाकार व बॉयफ्रेंड शिझान खान जबाबदार असल्याचा आरोप अभिनेत्रीच्या आईने केला. दरम्यान निषाच्या आईने पत्रकार परिषद घेत शिझानवर विविध आरोप केले आहेत.

आणखी वाचा – शिझानची सिक्रेट गर्लफ्रेंड, तुनिषाची गाडी अन्…” अभिनेत्रीच्या आईचे शिझानसह कुटुंबियांवर धक्कादायक आरोप

आता शिझानचे वकील यांनी या सगळ्या प्रकरणाबाबत प्रतिक्रिया दिली आहे. शिझानच्या वकिलाने प्रसारमाध्यमांशी संवाद साधताना म्हटलं की, “सध्या त्याची मानसिक स्थिती काय आहे हे तुम्ही आणि मी समजू शकत नाही. तीन दिवसांपूर्वी तळोजा जेलमध्ये एकाने आत्महत्या केली.”

“या प्रकरणानंतर काऊंसिलिंग विथ सिक्युरिटीची आम्ही मदत मागितली आहे. जेणेकरून तो एकटा पडणार नाही. काऊंसिलिंगच्या आधारे शिझानवर नजर ठेवता येईल.” यानंतर काऊंसिलिंग विथ सिक्युरिटीची तुम्ही मदत मागितली तर शिझान आत्महत्येपर्यंत पाऊल उचलू शकतो असं तुम्हाला वाटतं का? असा प्रश्नही शिझानच्या वकिलांना विचारण्यात आला.

आणखी वाचा – Video : मांडीवर बसून घट्ट मिठी मारली, किस केलं अन्…; बॉयफ्रेंडने प्रपोज करताच ‘कुछ कुछ होता है’मधली अंजली भारावली, व्हिडीओ व्हायरल

यावेळी ते म्हणाले, “ज्या मुलाने संपूर्ण आयुष्यामध्ये कधीच पोलिस व कोर्ट पाहिलं नाही. अचानक संपूर्ण मीडियाने प्रश्नचिन्ह टाकून त्याच्याबाबात जे सिद्ध करण्याचा प्रयत्न केला आहे त्याची माहिती माझ्यापेक्षा तुम्हाला अधिक आहे.” आता तुनिषा शर्मा आत्महत्या प्रकरणाला कोणतं नवं वळण मिळणार हे येत्या काही दिवसांमध्ये समजेल.

मराठीतील सर्व टेलीव्हिजन ( Television ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 01-01-2023 at 14:20 IST

संबंधित बातम्या