“प्रेक्षकांचा हट्ट १५ मिनिटं जास्त…”, तेजश्री प्रधानच्या मालिकेची नवीन वेळ काय? १३ एप्रिलपासून ‘झी मराठी’वर मोठा बदल

‘सावळ्याची जणू सावली’ ही मालिका दुपारी प्रसारित झाली, तर सायंकाळी ६:३० वाजता प्रेक्षकांना काय पाहायला मिळणार? असा प्रश्न प्रत्येकाच्या निर्माण झाला असेल. अखेर त्या प्रश्नाचं उत्तर आता ‘झी मराठी’कडून प्रेक्षकांना देण्यात आलं आहे. वाहिनीने आणखी दोन मालिकांच्या वेळेत बदल केला आहे. या मालिकांची नावं आहेत ‘शुभ श्रावणी’ आणि ‘वीण दोघांतली ही तुटेना.’

‘शुभ श्रावणी’ ही मालिका येत्या १३ एप्रिलपासून सायंकाळी ६:३० ते ७:१५ अशी पाऊण तास प्रसारित केली जाईल. याशिवाय तेजश्री प्रधानच्या ‘वीण दोघांतली ही तुटेना’ या मालिकेच्या वेळेतही बदल करण्यात आला आहे. आता तेजश्रीची मालिका संध्याकाळी साडेसातऐवजी ७:१५ ते ८:०० वाजेपर्यंत प्रसारित केली जाईल. ‘शुभ श्रावणी’ आणि ‘वीण दोघांतली ही तुटेना’ या दोन्ही मालिकांची प्रसारणाची वेळ आता ४५ मिनिटांची असेल.

तेजश्री प्रधान ही खास बातमी प्रेक्षकांना सांगताना म्हणते, “राजवाडे आजपासून ऑफिसमधून जरा १५ मिनिटं लवकर या…! मला तुमची १५ मिनिटं जास्त लाभतील…प्रेक्षकांना काय सांगताय, हा त्यांचाच हट्ट आहे. १३ एप्रिलपासून पंधरा मिनिटं जास्त भेट होणार आहे. त्यामुळे आता ‘वीण दोघांतली ही तुटेना’ ही मालिका १३ तारखेपासून संध्याकाळी ७:१५ वाजता प्रेक्षकांच्या भेटीला येईल. फक्त आपल्या झी मराठीवर…!”

झी मराठीवर १३ एप्रिलपासून होणार ‘हे’ बदल

• शुभ श्रावणी – ६:३० ते ७:१५ वाजेपर्यंत
• वीण दोघांतली ही तुटेना – ७:१५ ते रात्री ८:०० वाजेपर्यंत
• नवीन मालिका- दीप ज्योती – ८:०० ते ८:३० वाजेपर्यंत ( अर्धा तास )

दुपारचं सत्र

• सावळ्याची जणू सावली – १ वाजता
• लक्ष्मी निवास – १:३० ते २:३० ( एक तास )
• आम्ही सारे खवय्ये – २:३० वाजता

दरम्यान, आता ४५ मिनिटं मालिका प्रसारित केल्यावर याचा टीआरपीवर कसा परिणाम होणार हे पाहणं महत्त्वाचं ठरणार आहे. प्रेक्षकांनी सुद्धा आपली आवडती मालिका आता १५ मिनिटं जास्त पाहायला मिळणार असल्याने कमेंट्समध्ये आनंद व्यक्त केला आहे.