scorecardresearch

Premium

‘दार उघड बये’ मालिकेने घेतला प्रेक्षकांचा निरोप; अभिनेत्रीची भावुक पोस्ट; म्हणाली, “मला…”

‘दार उघड बये’ मालिकेतील मुक्ताने प्रेक्षकांचे मानले आभार

daar ughad baye fame saaniya chaudhari
‘दार उघड बये’ मालिका

काही महिन्यांपूर्वी ‘झी मराठी’वरील ‘लोकमान्य’, ‘लवंगी मिरची’ या मालिकांनी प्रेक्षकांचा निरोप घेतला. त्यानंतर आता आणखी एक मालिका ऑफ एअर झाली आहे. रोशन विचारे, सानिया चौधरी, शरद पोंक्षे, किशोरी अबिये अभिनीत ‘दार उघड बये’ या लोकप्रिय मालिकेने प्रेक्षकांचा निरोप घेतला आहे. ७ ऑक्टोबरला या मालिकेचा शेवटचा भाग प्रसारित झाला. याच निमित्ताने मालिकेतील मुख्य भूमिका साकारणारी अभिनेत्री सानिया चौधरीने भावुक पोस्ट शेअर केली आहे.

हेही वाचा – Video: ११ महिन्यांनंतर आलिया भट्ट-रणबीर कपूरच्या लेकीची पहिली झलक, पाहा राहाचा व्हिडीओ

Premachi Goshta fame actress Mrunali Shirke owns a bakery business
‘प्रेमाची गोष्ट’ मालिकेतील ‘ही’ अभिनेत्री अनेक वर्षांपासून करते घरगुती व्यवसाय, व्हिडीओ व्हायरल
actress was in love with ravindra mahajani
लोकप्रिय अभिनेत्रीला रवींद्र महाजनींशी करायचं होतं लग्न, त्यांच्या पत्नी खुलासा करत म्हणाल्या, “तिने गाडीतून उडी मारली अन्…”
shiva serial first episode cancelled due to technical glitch netizens criticized
प्रेक्षकांचा हिरमोड! ‘झी मराठी’च्या ‘शिवा’ मालिकेचं प्रक्षेपण पहिल्याच दिवशी रखडलं; नेटकरी म्हणाले, “एवढी मोठी चूक…”
star pravah launched second promo of gharoghari matichya chuli serial
स्टार प्रवाहने जाहीर केली ‘घरोघरी मातीच्या चुली’ मालिकेची वेळ; तब्बल ४ वर्षांनी ‘आई कुठे काय करते’ मालिका घेणार प्रेक्षकांचा निरोप?

१९ सप्टेंबरला २०२२ला ‘दार उघड बये’ ही मालिका प्रेक्षकांच्या भेटीस आली. या मालिकेने अल्पावधीत प्रेक्षकांची मनं जिंकली. मुक्ता आणि सारंगची जोडी प्रेक्षकांना आवडू लागली. मालिकेने ३०० हून अधिक भागांचा टप्पा ओलांडला असून आता मालिकेने प्रेक्षकांचा निरोप घेतला आहे. अभिनेत्री सानिया चौधरीने मालिकेच्या सेटवरील काही फोटो शेअर करत या प्रवासाचा अनुभव चाहत्यांबरोबर शेअर केला आहे.

हेही वाचा – Video: इस्रायलमध्ये अडकलेली नुसरत भरुचा सुखरुप परतली मायदेशी; व्हिडीओ आला समोर

सानियाने लिहीलं आहे की, ‘मुक्ता’चा वर्षभराचा अविस्मरणीय प्रवास आज संपला. उद्यापासून मुक्ता तुमच्या भेटीला नसेल… या कथेला जरी पूर्णविराम मिळत असला, तरी ‘मुक्ता ‘ माझ्यामध्ये कायमची सामावली गेली आहे. खंबीर, बेधडक, अन्याय सहन न करणारी, पण तितकीच प्रेमळ ,गोड आणि हळवी…आपली कला आणि नाती सुद्धा जीवापाड जपणारी मुक्ता…जिने कलेवर जिवापाड प्रेम करणं नव्याने शिकवलं….मुक्ताचे खूप खूप आभार…मला मुक्ता साकारायला मिळाली म्हणून… आणि प्रेक्षकहो तुमचे सुद्धा आभार, कारण तुमच्या प्रेमाने मला शेवटच्या भागापर्यंत त्याच उत्साहाने मुक्ता साकारण्याची ताकद दिली.

पुढे अभिनेत्रीने लिहीलं आहे की, संपूर्ण मालिकेत माझे सगळ्यात जास्त सीन शूट झाले ते संबळ आणि देवी आईबरोबर… मालिकेची सुरुवात मी संबळ वाजवत झाली आणि शेवट ही संबळ वाजवतच झाला…यांना अंतर कसं देणार? म्हणून सेटवरुन माझ्या जिवाभावाच्या या दोन्ही गोष्टी, संबळ आणि देवी आईचा मुखवटा हक्काने माझ्याबरोबर घरी घेऊन आले…. आता त्या कायम माझ्याजवळ असतील आणि ‘मुक्ता’ कायम माझ्या मनात असेल …

हेही वाचा – “माझी मुलगी सुरक्षित, ती भारतात…”; इस्रायलमध्ये अडकलेल्या नुसरत भरुचाच्या आईची प्रतिक्रिया, म्हणाल्या…

हेही वाचा – Video: ‘सहकुटुंब सहपरिवार’ फेम साक्षी गांधी लवकरच नव्या मालिकेतून प्रेक्षकांच्या भेटीस, पाहा प्रोमो

दरम्यान, या मालिकेतील रोशन विचारे आता नव्या मालिकेतून प्रेक्षकांच्या भेटीस येणार आहे. ‘सोनी मराठी’वरील नवी मालिका ‘खरंच तिचं काय चुकलं?’ यामध्ये रोशन मुख्य भूमिकेत झळकणार आहे. तसेच या मालिकेत अभिनेत्री भाग्यश्री दळवी देखील पाहायला मिळणार आहे.

Latest Comment
View All Comments
Post Comment

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Zee marathi serial daar ughad baye fame saaniya chaudhari share emotional post pps

First published on: 08-10-2023 at 20:36 IST

संबंधित बातम्या

तुम्ही या बातम्या वाचल्या आहेत का? ×