…म्हणून विजय थलपतीच्या सर्व गाड्यांची नंबर प्लेट एकसारखीच असते, काय आहे यामागचं कारण? घ्या जाणून…

विजयने अद्याप याबद्दल कुठलीही अधिकृत प्रतिक्रिया दिलेली नाही. तर तो त्याच्या राजकीय क्षेत्रातील कामात पूर्णपणे लक्ष केंद्रित करत आहे. पण, अशातच आता त्याच्या चाहत्यांमध्ये त्याच्याबद्दलच्या एका गोष्टीला घेऊन चर्चा सुरू आहे; ती म्हणजे त्याच्या सर्व गाड्यांवर एक गोष्ट आवर्जून पाहायला मिळते. विजयच्या गाड्यांबद्दलची ही कोणती गोष्ट आहे, याबद्दल सविस्तर जाणून घेऊयात…

…म्हणून एकसारखे आहेत गाड्यांवरील नंबर प्लेट

विजय थलपतीकडे आलिशान गाड्यांचं कलेक्शन आहे. महत्त्वाचं म्हणजे त्याच्या सर्व गाड्यांची नंबर प्लेट सारखीच आहे. माध्यमांच्या वृत्तानुसार विजयकडे बीएमडब्ल्यू इलेक्ट्रिक मॉडेल, लेक्सस एलएम आणि टोयोटो या गाड्या आहेत. त्याच्याकडे एक खास डिझाइन केलेली बससुद्धा आहे, जिचा वापर तो राजकीय दौऱ्यांसाठी करतो. ‘न्यूज १८’च्या वृत्तानुसार त्याच्या या सर्व गाड्यांच्या नंबरप्लेट एकसारख्याच आहेत. उदाहरणार्थ TN14 AH 0277, TN AL 0277. त्याच्या इतरही गाड्यांवरील नंबरप्लेट अशाच आहेत. पण, यामागे विजयच्या आयुष्यातील एक भावनिक गोष्ट कारणीभूत आहे. त्याच्या गाड्यांवरील नंबरप्लेटचे क्रमांक त्याची बहीण विद्याच्या वाढदिवसाच्या तारखेनुसार आहे, ही तारीख १४-०१-७७ अशी आहे. विजयची बहीण लहानपणीच हे जग सोडून गेली. याबद्दल तो एका मुलाखतीत व्यक्तही झाला होता की यामुळे त्याला खूप मोठा धक्का बसला होता.

उल्लेख केलेल्या माध्यमाच्या वृत्तानुसार विजयची आई शोभना चंद्रशेखर यांनी याबद्दल सांगितलेलं. त्यांनी विजयने त्याची बहीण विद्याच्या निधनानंतर त्याच्या मुलीचं नाव दिव्या ठेवलं, कारण त्याला या दोन नावांमध्ये साम्य वाटतं असं सांगितलेलं. खासगी आयुष्याव्यतिरिक्त विजय सध्या त्याच्या ‘जन नायगन’ या चित्रपटामुळेही चर्चेत आहे. हा चित्रपट आधीच प्रदर्शित होणार होता, परंतु सेंट्रल बॉर्ड ऑफ फिल्म सर्टिफिकेशनकडून त्याला अजून परवानगी न मिळाल्याने प्रदर्शन पुढे ढकलण्यात आलं आहे; तर यासह तो राजकीय कामकाजही पाहत असून त्या संदर्भातील मिटिंग, कार्यक्रमांना तो उपस्थिती लावत आहे.

दरम्यान, विजयच्या पत्नीने घटस्फोटासाठी अर्ज करताना त्याचे लोकप्रिय अभिनेत्रीबरोबर विवाहबाह्य संबंध असल्याचा आरोप केला होता, ज्यानंतर विजयबरोबर दाक्षिणात्य अभिनेत्री त्रिशा कृष्णनचं नाव जोडण्यात आलं.