शबाना आझमी, करण जोहर आणि बिपाशा बासूसारख्या बॉलिवूड सेलिब्रिटींनी शुक्रवारी शिक्षक दिनानिमित्त त्यांच्या जीवनाच्या जडण-घडणीत महत्त्वाचे योगदान देणाऱ्या त्यांच्या पालकांचे, शिक्षकांचे आणि अन्य मार्गदर्शकांचे आभार मानले. सेलिब्रिटींचे या संदर्भातले टि्वटस् - लता मंगेशकर - नमस्कार तुम्हा सर्वांना शिक्षक दिनाच्या हार्दिक शुभेच्छा शबाना आझमी - शिक्षक दिनाच्या दिवशी माझ्या सर्व शिक्षकांना अभिवादन, खास करून रोशन तनेजा ज्यांनी मला एफटीआयआयमध्ये अभिनयाचे धडे दिले. ज्यांच्यामुळे मी प्रत्येकदिवशी शिकत आहे. माधुरी दीक्षित - जगभरातील सर्व शिक्षकांना हॅपी टिचर्स डे. त्यांच्याविषयी माझ्या मनात कमालीचा आदर आणि प्रेम आहे! करण जोहर - पालकांनी माझ्यावर जे चांगले संस्कार केले त्यासाठी त्यांचे धन्यवाद. चित्रपटाविषयी मला सर्वकाही शिकविल्याबद्दल आदित्य चोप्राचेदेखील आभार. हॅपी टिचर्स डे मधुर भांडारकर - मला प्रेरणा देणारे आणि जीवन जगण्याची कला, तसेच प्रगतीचा मार्ग दाखविणाऱ्या सर्वांना हॅपी टिचर्स डे. दिव्या दत्ता - माझे सर्व शिक्षक आणि ज्यांनी मला आयुष्यात काही ना काही शिकवले. त्या सर्वांना शिक्षक दिनाच्या शुभेच्छा. राहूल बोस - गमतीदार, प्रेरणादायी, दयाळू, ऊर्जेने भरलेले आणि गरीब इत्यादी अनेकप्रकारचे शिक्षक मला होते. सर्वांकडून काही ना काही शिकलो. बिपाशा बासू - शिक्षकदिनी मी भावूक होते. पत्राली सरकार ह्या इंग्रजीच्या शिक्षिका माझ्या आवडत्या होत्या. आज आम्ही जे काही आहोत त्यात त्यांचे योगदान खूप महत्वाचे आहे. शिक्षक तुम्हाला धन्यवाद. राम कपूर - सर्व शिक्षकांना शिक्षक दिनाच्या शुभेच्छा. तुमचे कार्य खऱ्या अर्थाने महान कार्य आहे. उदय चोप्रा - माझ्या शिक्षणात ज्या शिक्षकांचे योगदान राहिले आहे, असा सर्व शिक्षकांना धन्यवाद. मित्र आणि गुरू अनुपम खेर यांना खास धन्यवाद कुणाल कोहली - हॅपी टिचर्स डे यश चोप्रा, राज कपूर, गुरुदत्त, बिमल रॉय, विजय आनंद, रमेश सिप्पी, मनोज कुमार, राज खोसला, प्रकाश मेहरा आणि महेश भट्ट सोफिया चौधरी - प्रिय आई मला घडविण्यासाठी आणि माझ्यात सामर्थ्य, सकारात्मक दृष्टी, स्पष्टवक्तेपणा आणण्यासाठी धन्यवाद. मला प्रेरणा देण्यासाठी निरज कबीचे आभार. आयुष्यात उत्तम शिक्षकाची भूमिका निभावल्याबद्दल जीवनाचेदेखील धन्यवाद!
