हृतिक रोशनच्या ‘सुपर 30’ चे पहिले पोस्टर पाहिलेत का?

या सिनेमात सुपरस्टार हृतिक रोशन गणिताचे प्राध्यापक आनंद कुमार यांच्या भूमिकेत दिसणार आहे

सुपरस्टार हृतिक रोशन याचा बहुप्रतिक्षित सिनेमा ‘सुपर 30’चे पहिले पोस्टर आता समोर आले आहे. अभिनेता हृतिक रोशनने आपल्या इंस्टाग्राम आणि ट्विटर अकाऊंटवर या सिनेमाचे पहिले पोस्टर पोस्ट केले आहे. सुपर 30 हा सिनेमा पाटणा येथील आयआयटी प्रवेश परीक्षांचे कोचिंग क्लास चालवणाऱ्या आनंद कुमार यांच्या आयुष्यावर बेतला आहे. आनंद कुमार यांची भूमिका हृतिक रोशन साकारणार आहे.

चित्रपट समीक्षक तरण आदर्श यांनीही या सिनेमाचे पोस्टर पोस्ट केले आहे. ‘अब राजा का बेटा, राजा नहीं बनेगा’ या टॅगलाइनसह हे पोस्टर पोस्ट करण्यात आले आहे. या सिनेमाच्या पोस्टरवर हृतिक रोशनचा लुक नेहमीपेक्षा थोडा हटके दिसतो आहे. गंभीर रूपातला हृतिक या पोस्टरमध्ये आहे. तसेच त्याच्या मागे गणिताचे काही फॉर्म्युलेही दिसत आहेत. तर हृतिक रोशनच्या फोटोखालीच काही मुले बेचकी घेऊन निशाणा साधताना दिसत आहेत.

टीचर्स डेचे औचित्य साधत हृतिक रोशनने या सिनेमाचे पोस्टर पोस्ट केले आहे. गणिताचे शिक्षक असलेल्या आनंद कुमार यांच्या आयुष्यावर हा सिनेमा बेतला आहे. आता या पहिल्या पोस्टरमुळे सिनेमात काय असणार याची उत्सुकताही ताणली गेली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: The first look poster of bollywood star hrithik roshans upcoming film super 30was unveiled

ताज्या बातम्या