जगातील सर्वात श्रीमंत कंपन्यांपैकी एक म्हणून ओळखली जाणारी ‘द वॉल्ट डिस्ने’ गेल्या काही वर्षांत आपल्या आर्थिक हालचालींमुळे सातत्याने जगाला आश्चर्यचकित करते आहे. अगदी कालपरवाची गोष्ट आहे, त्यांनी एका वर्षांत एक हजार कोटी रुपयांची कमाई करणाऱ्या चित्रपटांची नावं जाहीर के ली. या यादीत ‘टॉय स्टोरी-४’, ‘कॅप्टन माव्‍‌र्हल’, ‘अ‍ॅव्हेंजर्स एंडगेम’, ‘द लायन किंग’ आणि ‘अल्लाउदीन’ असे एकूण पाच चित्रपट आहेत. आजवर वॉर्नर ब्रदर्स, सोनी पिक्चर्स, पॅरामाऊंट पिक्चर्स यांसारख्या अनेक कंपन्यांनी एक हजार कोटींचा पल्ला गाठण्याची किमया करून दाखवली आहे खरी, परंतु एका वर्षांत सलग पाच चित्रपट हजार कोटींच्या घरात नेऊन बसवण्याचा करिश्मा वॉल्ट डिस्नेव्यतिरिक्त अद्याप कोणीही करून दाखवलेला नाही; परंतु या नव्या विक्रमामुळे आता प्रश्न असा पडतो की, एक कार्टून बनवणारी कंपनी खरंच इतके पैसे मिळवते का? आणि या प्रश्नाचे उत्तर हो असे असेल, तर मग कसे?

या बातमीसह सर्व प्रीमियम कंटेंट वाचण्यासाठी साइन-इन करा

‘द वॉल्ट डिस्ने’ने अचाट करणारी आर्थिक प्रगती केली आहे. त्यांनी हजारो कोटी रुपये खर्च करून मनोरंजन क्षेत्रातील बलाढय़ समजल्या जाणाऱ्या ‘ट्वेंटी फर्स्ट सेंच्युरी फॉक्स’, ‘एबीसी टेलिव्हिजन ग्रुप’, ‘लुकास फिल्म लिमिटेड’, ‘माव्‍‌र्हल एन्टरटेन्मेंट’ यांसारख्या अनेक कंपन्यांना अक्षरश: गिळंकृत करत आपले मार्गक्रमण आता एकाधिकारशाहीच्या दिशेने सुरू केले आहे; परंतु कार्टून व लहान मुलांची खेळणी तयार करणाऱ्या या कंपनीकडे इतका पैसा येतो कुठून? त्यांच्या उत्पन्नाचा स्रोत काय आहे? अर्थात हे समजण्यासाठी आधी आपल्याला एक चित्रपट पैसे कसे मिळवतो हे समजायला हवे. त्याशिवाय वॉल्ट डिस्नेचा अजस्र आर्थिक खेळ लक्षात येणार नाही.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: The walt disney company avengers endgame toy story 4 the lion king captain marvel mpg
First published on: 25-08-2019 at 00:40 IST