कलाविश्वात करोनाचा आणखी एक बळी; ब्रिटनचे प्रसिद्ध कॉमेडियन टिम ब्रुक-टेलर यांचे निधन

रविवारी सकाळी घेतला अखेरचा श्वास

टिम ब्रुक-टेलर

करोना व्हायरसने आणखी एका कलाकाराचा बळी घेतला आहे. ब्रिटनचे प्रसिद्ध कॉमेडियन टिम ब्रुक-टेलर यांचे करोनामुळे निधन झाले आहे. ते ७९ वर्षांचे होते. त्यांनी रविवारी सकाळी अखेरचा श्वास घेतला. ब्रुक हे ‘गुडीज’ या तीन लोकप्रिय विनोदी कलाकारांच्या टीमपैकी एक होते. ‘गुडीज’ या टीममध्ये ब्रुक यांच्यासोबतच ग्रीम गार्डन आणि बिल ऑडी होते.

ब्रुक यांनी १९६० मध्ये टीव्ही आणि रेडिओवर कॉमेडीला सुरुवात केली. १९७५ मध्ये ‘फंकी गिबन’ या त्यांच्या गाण्याला फार प्रसिद्धी व लोकप्रियता मिळाली. ‘अॅट लास्ट द १९४८ शो’ या टीव्ही शोचे ते महत्त्वपूर्ण सदस्य होते. ब्रुक यांच्या निधनानंतर सोशल मीडियाद्वारे कलाकारांनी श्रद्धांजली वाहिली आहे.

साऱ्या यंत्रणा करोनाशी झुंजत असल्या तरी जगभरात करोना विषाणूचा विळखा वाढत चालला आहे. जॉन हॉपकिन्स विद्यापीठाच्या माहितीनुसार मागच्या २४ तासात अमेरिकेत करोना व्हायरसमुळे १,५१४ नागरिकांचा मृत्यू झाला आहे. या विषाणूमुळे जगभरात आतापर्यंत लाखो लोकांनी आपले प्राण गमावले आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Tim brooke taylor goodies star dies from coronavirus complications ssv

Next Story
नाट्यरंग : ‘चित्रगोष्टी’ : चित्रं अन् जगण्याचं अन्योन्य नातं!
ताज्या बातम्या