अभिनेत्री उर्फी जावेद आणि भाजपा नेत्या चित्रा वाघ यांच्यातील वाद संपायचं काही नाव घेत नाही. उर्फी जावेदच्या कपड्यांवर चित्रा वाघ यांनी आक्षेप घेतला. उर्फीवर कारवाई करण्यात यावी अशी मागणीही चित्रा वाघ यांनी केली आहे. दरम्यान या संपूर्ण वादाला राजकीय वळण मिळालं आहे. शिवाय उर्फीही सोशल मीडियाच्या माध्यमातून चित्रा वाघ यांना उत्तर देत आहे. आता पुन्हा चित्रा वाघ यांनी उर्फीबाबत वक्तव्य केलं आहे. आणखी वाचा - सॉफ्टपॉर्नवर आक्षेप नाही मग ऊर्फीवर का? चित्रा वाघ यांनी पत्रकार परिषद घेत उर्फीला साडी चोळी पाठवणार असल्याचं म्हटलं आहे. तुम्ही उर्फी जावेदला साडी चोळी किंवा एखादा छान ड्रेस का गिफ्ट करत नाही? असा प्रश्न चित्रा वाघ यांना विचारण्यात आला. तेव्हा त्यांनी अगदी स्पष्ट शब्दांमध्ये उत्तर देत पुन्हा एकदा उर्फीवर टीका केली आहे. काय म्हणाल्या चित्रा वाघ? चित्रा वाघ म्हणाल्या, "साडी-चोळी देण्यासाठी समोरची पण त्या लायकीची लागते. साडी-चोळी हा आमच्या सात्विकतेचा पोषाख आहे. साडी-चोळी पाठवायचं काम आम्ही करू. थोबाड फोडायच्या आधी एकदा संधी देणं गरजेचं आहे. त्याच्यामुळे एकदा साडी-चोळीही तिला देऊ. तुम्ही दिलेला सल्ला मला मान्य आहे." पाहा व्हिडीओ आणखी वाचा - चित्रा वाघ यांच्याबरोबर वादादरम्यान उर्फीने स्वत:लाच घातल्या बेड्या; बिकिनी घालून पुन्हा शेअर केला बोल्ड व्हिडीओ उर्फीने तिच्या इन्स्टाग्राम अकाऊंटद्वारे एक व्हिडीओ शेअर केला आहे. तिने यामध्ये अंगभर कपडे घातल्यानंतर तिला एलर्जी होत असल्याचं म्हटलं आहे. अंगभर कपडे घातल्यामुळे तिच्या त्वचेला त्रास होतो असं उर्फीचं म्हणणं आहे.
