बडोदा येथील स्थानिक न्यायालयाने अश्लिलता पसरविण्याच्या एका प्रकरणात बॉलिवूडची अभिनेत्री मल्लिका शेरावतच्या विरोधात वॉरंट जारी केले. बडोद्यातील जिल्हा न्यायालयाने वॉरंट जारी करतांना तिला १९ ऑगस्ट रोजी न्यायालयात समक्ष हजर राहण्यास सांगितले.
३१ डिसेंबर २००६ रोजी मुंबईत एका नववर्षाच्या संध्याकाळी आयोजित केलेल्या पार्टीमध्ये अश्लिल नृत्य केल्याप्रकरणी मल्लिका शेरावतच्या विरोधात बडोदा बार असोशिएशनचे माजी अध्यक्ष नरेंद्र तिवारी यांनी तक्रार नोंदवली होती. ज्यात त्यांनी या प्रकरणी मल्लिकावर अजामीनपात्र वॉरंट जारी करण्याची मागणी केली होती