बॉलिवूड अभिनेत्री रवीना टंडन ही लोकप्रिय अभिनेत्रींपैकी एक आहे. रवीनाने तिच्या अभिनयाने प्रेक्षकांची मने जिंकली. रवीना फक्त तिच्या अभिनयासाठीच नाही तर तिच्या बेधडक वक्तव्यासाठी देखील ओळखली जाते. ती सोशल मीडिया पोस्टद्वारे सामाजिक विषयांवर बिनधास्तपणे मत मांडताना दिसते. तिने 'पत्थर के फूल' या चित्रपटातून करिअरला सुरुवात केली. पण तुम्हाला माहिती आहे का एकदा रवीनाने पतीच्या पूर्वाश्रमीच्या पत्नीच्या अंगावर सरबत फेकले होते. चित्रपटांमध्ये काम करत असताना रवीनाची ओळख उद्योगपती अनिल थडानीशी झाली. हळूहळू त्यांच्या भेटी वाढू लागल्या. त्यानंतर अनिलने रवीनाला लग्नासाठी विचारले होते. रवीनाने होकार देताच ते लग्न बंधनात अडकले. रवीना ही अनिलची दुसरी पत्नी. त्याच्या पहिल्या पत्नीचे नाव नताशा होते. एकदा चित्रपट निर्माताा रितेश सिधवानीच्या न्यू इअर पार्टीला रवीनाला बोलवण्यात आले होते. या पार्टीला अनिलची पहिली पत्नी नताशा देखील हजर होती. या पार्टीमध्ये नताशा अनिलशी बोलण्याचा प्रयत्न करीत होते. ते पाहून रवीनाला संतापली आणि तिच्या हातात असलेल्या ग्लासातील सरबत तिने नाताशाच्या चेहऱ्यावर फेकले. रवीनाचे कृत्य पाहून सर्वांनाच धक्का बसला होता. या विषयी रवीनाला एका मुलाखतीमध्ये विचारण्यात आले होते. “जर कोणी तिच्या पतीचा किंवा कुटुंबाचा अपमान करेल तर ती त्याला सोडणार नाही” असे रवीना म्हणाली होती.
