नवरा होणे सोपे नाही. नवरा-बायकोच्या आयुष्यातील मजेशीर किस्सा. सकाळी नवऱ्याने आपल्या बायकोला उठवलं. नवरा :- चल उठ. आपण योगा क्लासला जाऊया. बायको :- का हो. मी तुम्हाला एवढी लट्ठ दिसते की काय ? नवरा :- तसं नाही गं. योगा हे निरोगी राहण्यासाठी, आपल्या फिटनेससाठी छान असतं. बायको :- म्हणजे मी अनफिट आहे. आजारी आहे. असं म्हणायचंय तुम्हाला. नवरा :- राहू दे, नसेल उठायचं तर! बायको :- याचा अर्थ काय ? तुम्ही मला आळशी समजता की काय ? नवरा :- हे बघ, तुझा गैरसमज होतोय. बायको :- अरे देवा! म्हणजे मला अक्कलच नाही. इतकी वर्ष झालीत आपल्या लग्नाला आणि तुम्ही म्हणताय की, मी तुम्हाला समजूं शकले नाही. माझा गैरसमज होतोय. नवरा :- अगं मी तसं म्हणलं का.? बायको :- म्हणजे, मी खोटं बोलतेय ? नवरा :- ओके! ओके! जाऊ दे, सकाळी-सकाळी वाद कशाला ? बायको :- मी वाद घालते ? मी वाद घालते ? तुम्हाला वाटतयं मी भांडखोर आहे? नवरा :- ठीक आहे, मी ही जात नाही फिरायला. योगा कॅन्सल. बायको :- बघितलत, मुळात तुम्हाला जायचंच नव्हतं. फक्त माझ्या डोक्यावर खापर फोडायचं होतं. नवरा :- बरं, मी एकटाच जातो. तू झोप आनंदात. बायको :- जा जा. एकटेच जा. तसंही तुम्ही एकटेच सगळी मौज करता. कधी माझी फिकिर केलीय का तुम्ही. नवरा :- आता माझं डोकं गरगरतंय, चक्कर येतेय मला. बायको :- येणारच. स्वार्थी आहात तुम्ही. नेहमी स्वत: पुरताच विचार करता नां. बायकोच्या आरोग्याची अजिबात काळजी नाही तुम्हाला. चक्कर येणारच! नवरा मौन. नवरा (मनाशीच) माझं चुकलं कुठे ?
