News Flash

१ लाख ३० हजार कर्मचारी रेल्वेच्या ई-पासपासून वंचित

आतापर्यंत १ लाख ५१ हजार ३३७ जणांना ई-पास देण्यात आले आहेत

१ सप्टेंबरपासून दिल्लीमध्ये १५ दिवसांसाठी प्रायोगिक तत्त्वार मेट्रो सेवा पुन्हा सुरू करण्यास परवानगी देण्याची शक्यता आहे. या काळात मेट्रोच्या एका बोगीमध्ये केवळ ५० व्यक्तींनाच प्रवेश दिला जाणार आहे. यात अत्यावश्यक सेवेतील कर्मचाऱ्यांना परवानगी असणार आहे. मुंबईत यापूर्वीच अत्यावश्यक सेवेती कर्मचाऱ्यांसाठी लोकल सेवा सुरू करण्यात आलेली आहे. मात्र, अत्यावश्यक सेवेतील कर्मचाऱ्यांशिवाय इतरांना अजूनही लोकलमधून प्रवास करण्याची परवानगी देण्यात आलेली नाही. (संग्रहित छायाचित्र/लोकसत्ता)

मुंबईत उपनगरीय रेल्वे (लोकल) प्रवासासाठी अत्यावश्यक सेवेतील कर्मचाऱ्यांना ‘क्यूआर कोड’ आधारित ई-पास देण्यास विविध तांत्रिक अडचणींमुळे विलंब होत आहे. अद्याप तब्बल १ लाख ३० हजार कर्मचाऱ्यांना हा पास मिळालेला नाही.

ई-पास देण्यासाठी संबंधित कार्यालये, आस्थापनांनी आपल्या कर्मचाऱ्यांची माहिती एकत्रितरीत्या कार्यालय प्रमुखाकडे सादर करायची होती.  रेल्वेतील वरिष्ठ अधिकाऱ्याने दिलेल्या माहितीनुसार मध्य, पश्चिम रेल्वेने लोकल प्रवास करण्यासाठी २ लाख ९३ हजार ८०४ कर्मचाऱ्यांची नोंद झाली आहे. आतापर्यंत १ लाख ५१ हजार ३३७ जणांना ई-पास देण्यात आले आहेत. मात्र अजूनही १ लाख ३० हजार ४१३ प्रवाशांना पास मिळालेला नाही. तांत्रिक अडचणींमुळे हे काम रखडले आहे. ५,२२८ प्रवाशांनी चुकीच्या पद्धतीने छायाचित्रे लिंकवर पाठवली. तर ६,६८०  पास नोडल अधिकाऱ्यांच्या कार्यालयातच प्रलंबित आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 22, 2020 12:15 am

Web Title: 1 lakh 30 thousand employees deprived of railway e pass abn 97
Next Stories
1 करोना रुग्णांसाठी सहायक उपचार पद्धतींचीही गरज
2 ‘कुटुंबांसाठी आधार गट हवेत’
3 ‘आयआयटी’चा उद्या आभासी पदवीप्रदान समारंभ
Just Now!
X