मुंबई सेंट्रल ते विरार यांदरम्यान लवकरच कामे सुरू

आबालवृद्धांबरोबरच सामानसुमानासह प्रवास करणाऱ्या प्रवाशांच्या सोयीसाठी पश्चिम रेल्वेच्या विविध स्थानकांवर आणखी २७ स्वयंचलित जिने बसविले जाणार आहेत. सध्या पश्चिम रेल्वेच्या आठ स्थानकांवर २३ स्वयंचलित जिने कार्यरत आहेत. आता या आठ स्थानकांबरोबर आणखी पाच स्थानकांवर हे सरकते जिने बसवण्यात येणार आहेत. यासाठी ३० कोटी रुपयांपर्यंत खर्च येणार आहे. त्यामुळे पश्चिम रेल्वेवरील सरकत्या जिन्यांची संख्या ५० वर पोहोचणार आहे.

megablock
रेल्वेचा मेगाब्लॉक! पुणे – लोणावळा दरम्यान अनेक गाड्या रद्द, काही उशिराने धावणार
pune marathi news, pune daund local train marathi news
पुणे-दौंड रेल्वे प्रवाशांची अडथळ्यांची शर्यत! रेल्वे प्रशासनाकडून निर्णय होईना
Jamtara Train accident
झारखंडच्या जामतारा स्थानकाजवळ मोठी दुर्घटना, रेल्वेची १२ प्रवाशांना धडक, दोन जणांचा मृत्यू
Single airline monopoly Nagpur
नागपूर-मुंबईदरम्यान एकाच विमान कंपनीची मक्तेदारी; प्रवासी त्रस्त, कंपनी…

एका प्लॅटफॉर्मवरून दुसऱ्या प्लॅटफॉर्मवर जाण्यासाठी रेल्वेरूळ ओलांडण्याच्या घटनांचे प्रमाण रोखण्यासाठी रेल्वे बोर्डाने मुंबईच्या उपनगरीय भागांमध्ये सरकते जिने बसवण्याची योजना आखली होती. या योजनेनुसार मध्य आणि पश्चिम रेल्वेच्या महत्त्वाच्या स्थानकांवर सरकते जिने बसवण्यात आले आहेत. तसेच रेल्वे अर्थसंकल्पातील तरतुदीनुसार आणखी स्थानकांवर सरकते जिने बसणार आहेत. पश्चिम रेल्वेवर या योजनेअंतर्गत ५० सरकते जिने बसवण्याची योजना पश्चिम रेल्वेने आखली होती. त्यापैकी २३ सरकते जिने याआधीच बसवण्यात आले असून ते कार्यरत झाले आहेत. आता दुसऱ्या टप्प्यात २७ सरकत्या जिन्यांसाठी निविदा मागवून काम सुरू करण्यात येणार आहे.

eskilator-new

यात मुंबई सेंट्रल, दादर, विलेपार्ले, मालाड, बोरिवली, मीरारोड, भाईंदर, वसई रोड, नालासोपारा आणि विरार या स्थानकांचा समावेश आहे. याआधी पश्चिम रेल्वेने दादर, पार्ले, अंधेरी, गोरेगाव, कांदिवली, बोरिवली, वसई रोड आणि नालासोपारा या स्थानकांवर सरकते जिने बसवले आहेत.