भायखळा येथील महिला तुरुंगातील ८२ कैद्यांना विषबाधा झाल्याची घटना शुक्रवारी घडली. महिला कैद्यांना जे जे रुग्णालयात दाखल करण्यात आले असून विषबाधा झालेल्या कैद्यांचा आकडा वाढण्याची शक्यता आहे. शुक्रवारी सकाळी भायखळा तुरुंगातील ८२ महिला कैद्यांची तब्येत बिघडली. महिला कैद्यांना उलट्या व पोटदुखीचा त्रास होऊ लागला. अखेर त्यांना तातडीने जे जे रुग्णालयात दाखल करण्यात आले. एकूण ८२ महिला कैद्यांना रुग्णालयात आणण्यात आले असून त्यांच्यावर उपचार सुरु आहेत, अशी माहिती जे जे रुग्णालयाचे प्रभारी डिन डॉ. मुकूंद तायडे यांनी दिली.
